For Quick Alerts
ALLOW NOTIFICATIONS  
For Daily Alerts
Just In
Oneindia App Download

மளிகைக் கடை பில் செட்டில்.. ஆன்லைன் ஷாப்பிங்.. ஆர்கே நகரை அதிரவைக்கும் தினகரன் பார்முலா

ஆர்கே நகரில் வெல்கிறாரோ இல்லையோ இடைத் தேர்தலுக்கே உரித்தான திருமங்கலம் பார்முலாவை தோற்கடித்துவிட்டார் தினகரன் என்றுதான் சொல்ல வேண்டும்.

Google Oneindia Tamil News

சென்னை: ஆர்.கே.நகர் தொகுதி இடைத்தேர்தலில் எப்படியாவது வெற்றி பெற வேண்டும் என்பதற்காக 11 பேர் கொண்ட குழுவை அமைத்து ரூம் போட்டு யோசிக்க வைத்திருப்பார்போல தினகரன். இடைத்தேர்தலுக்கே உரிய திருமங்கலம் பணப்பட்டுவாடா பார்முலாவை மிரட்டும் வகையில் இருக்கிறது ஆர்கே நகர் தொகுதியில் தினகரனின் பார்முலா.

ஆர்கே நகர் தொகுதியில் உச்சகட்ட பிரசாரம் களைகட்டியுள்ளது. அதேநேரத்தில் வெறித்தனமாக வாக்காளர்களை வளைக்கும் நூதன முயற்சிகளும் அரங்கேற்றப்பட்டு வருகின்றன.

இப்படியுமா யோசிப்பாங்க?

இப்படியுமா யோசிப்பாங்க?

அதிலும் வென்றால் முதல்வர் பதவி என்ற பேராசை வெறியில் வலம் வரும் அதிமுக(அம்மா) அணியின் தினகரன் கோஷ்டி கடைபிடிக்கும் யுக்திகள் திமுக, ஓபிஎஸ் அணிகளை வெலவெலக்க வைக்கின்றனவாம். இப்படியெல்லாம் கூடவா யோசித்து வாக்காளர்களை வளைக்க முடியும் என அதிர்ந்து போகும் அளவுக்கு ஆர்கே நகரில் காட்சிகள் அரங்கேறுகின்றனவாம்.

டார்கெட் மளிகை கடைகள்

டார்கெட் மளிகை கடைகள்

ஒவ்வொரு தெருவாக போகும் தினகரன் கோஷ்டியினர் முதலில் மளிகை கடைகளை குறிவைக்கின்றனர். அந்த மளிகை கடையில் மாதந்தோறும் மளிகை சாமான்கள் வாங்குவது யார்? எவ்வளவுக்கு வாங்குகிறார்கள் என்கிற விவரத்தை சேகரிக்கிறதாம். பின்னர் அந்த வாடிக்கையாளர்களின் மாதாந்திர பில்லை மளிகைக் கடைகாரரிடமே செட்டில் செய்துவிட்டு அந்த வீடுகளுக்கு போகிறார்களாம். உங்கள் பில்லை செட்டில் செய்துவிட்டோம் தொப்பிக்கு வாக்களியுங்கள் என 'அன்பாக' கோரிக்கை விடுக்கிறார்களாம்.

ஆன்லைன் ஷாப்பிங்

ஆன்லைன் ஷாப்பிங்

அதேபோல் இளம்பெண்களிடம் ஆன்லைன் ஷாப்பிங் வெப்சைட்டுகளை காண்பிக்கின்றனர்.. புதியதாக வந்துள்ள சுடிதார், சேலை டிசைன்களை காட்டு உங்களுக்கு வேண்டியதை தேர்வு செய்து கொள்ளுங்கள் என கூறுகின்றனர். அவர்கள் வாங்க விரும்பினால் டோக்கன் ஒன்றை கொடுத்து தொகுதிக்கு வெளியே உள்ள ஒரு இடத்தில் போய் வாங்க சொல்கின்றனராம்.

புதுபுது பார்முலாக்கள்

புதுபுது பார்முலாக்கள்

நேரடியாக பணமாக கொடுத்தால்தானே பஞ்சாயத்து செய்கிறார்கள் என ரூம் போட்டு யோசித்து புது புது பார்முலாக்களை தினகரன் குரூப் அரங்கேற்றுகிறதாம்.. இந்த டோக்கன் சிஸ்டத்தை பார்த்து என்ன செய்வது என தெரியாமல் விழிபிதுங்கிப் போயுள்ளனராம் இதர கட்சிகள்.

English summary
In RK Nagar constituency witnessing the new methods of distributing money to the voters by TTV Dinakaran faction.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X