சகோதரர் விஷால் அரசியலுக்கு வந்தால் மகிழ்வேன்!- டிடிவி தினகரன்
சென்னை: நடிகர் விஷால் அரசியலுக்கு வந்தால் மகிழ்வேன் என்று அதிமுக துணைப் பொதுச் செயலாளர் டிடிவி தினகரன் கூறியுள்ளார்.
இரு தினங்களுக்கு முன்பு நடிகர் விஷாலின் தங்கை ஐஸ்வர்யா ரெட்டி திருமணம் விமர்சையாக நடந்தது. பல அரசியல் தலைவர்கள் பங்கேற்ற அந்த திருமணத்துக்கு டிடிவி தினகரனால் செல்ல முடியவில்லை.
எனவே இன்று விஷால் வீட்டுக்கே நேரில் போனார் தினகரன். அவரை நடிகர் விஷால் வரவேற்றார். மணமக்கள் ஐஸ்வர்யா மற்றும் அவர் கணவருக்கு வாழ்த்துத் தெரிவித்தார் தினகரன். சிறிது நேரம் அனைவருடனும் பேசிக் கொண்டிருந்த தினகரன், புறப்படும்போது செய்தியாளர்களிடம் பேசினார்.
"வெளியூரில் இருந்ததால் திருமணத்தில் கலந்து கொள்ள முடியாமல் போய்விட்டது. அதனால்தான் இன்று வாழ்த்துச் சொல்ல வந்தேன்.
சகோதரர் விஷாலுக்கு தலைமைப் பண்பு உள்ளது. விஷால் அரசியலுக்கு வந்தால் நான் மிகவும் மகிழ்ச்சி அடைவேன்," என்றார்.
Click it and Unblock the Notifications
Sign in with Google