பிரபல சித்தமருத்துவர் சி.என்.ராஜதுரையின் மருத்துவமனையில் வருமான வரி சோதனை!

சென்னை கோடம்பாக்கத்தில் உள்ள சிஎன்ஆர் ஹெர்ப்ஸ் மருத்துவமனையில் வருமான வரித்துறையினர் சோதனையில் ஈடுபட்டுள்ளனர்.

சென்னை : பிரபல சித்தமருத்துவரான சி.என். ராஜதுரையின் சென்னை கோடம்பாக்கத்தில் உள்ள சிஎன்ஆர் ஹெர்ப்ஸ் மருத்துவமனையில் வருமான வரித்துறை சோதனை நடக்கிறது. முறையாக வரிகட்டவில்லை என்று எழுந்த புகாரையடுத்து வருமான வரி சோதனை நடைபெற்று வருகிறது.

தொலைக்காட்சிகளில் சொரியாசிஸ் உள்ளிட்ட தோல் நோய் பிரச்னைக்கு சித்தமருத்துவ முறையில் மருத்துவ தீர்வு என்று அடிக்கடி தோன்றுபவர் சித்த மருத்துவர் சி.என்.ராஜதுரை. இவர் சிஎன்ஆர்ஹெர்ப்ஸ் என்ற பெயரில் மருத்துவமனைகளை நடத்தி வருகிறார். சிஎன் ஆர் ஹெர்ப்ஸ் சென்னை, ஹைதராபாத், மும்பை, பெங்களூரு, டெல்லி, எர்ணாகுளம் உள்ளிட்ட பெருநகரங்களில் செயல்பட்டு வருகிறது.

சி.என்.ராஜதுரை முறையாக வருமான வரி செலுத்தவில்லை என்று எழுந்த புகாரையடுத்து இன்று காலை முதல் சென்னை கோடம்பாக்கத்தில் உள்ள சிஎன்ஆர் ஹெர்ப்ஸ் மருத்துவமனையில் அதிகாரிகள் சோதனை நடத்தி வருகின்றனர். 10 பேர் கொண்ட அதிகாரிகள் குழு மருத்துவமனையின் வரவு, செலவு கணக்குகளையும் ஆவணங்களையும் சரிபார்த்து வருகிறது.

English summary

TV fame siddha doctor C.N.Rajadurai under IT scanner, 10 IT officers were in his Chennai hospital at Kodambakkam cnr herbs