விஜயகாந்த் என்ற பீனிக்ஸ் பறவை சமூகவலைத்தளங்களில் படும் பாடு

சென்னை: தேர்தலில் தோல்வியடைந்தாலும் நான் கலங்க மாட்டேன். சாம்பலில் இருந்து உயிர்த்தெழும் பீனிக்ஸ் பறவை போல எழுவேன் என்று காரைக்குடியில் நடந்த திருமண விழாவில் விஜயகாந்த் பேசினாலும் பேசினார், இன்றைக்கு சமூக வலைத்தளவாசிகளின் வறுவல் அவர்தான். சும்மா வறுத்து எடுத்து விட்டார்கள்.

சும்மாவே ஆடுவார்கள் இன்றைக்கு வெள்ளிக்கிழமை வேறு கூடவே வேப்பிலையும், சலங்கையும் கிடைத்தால் சும்மா விடுவார்களா? விஜயகாந்த் என்ற பீனிக்ஸ் பறவை வகையாக சிக்கிக் கொள்ள ஆள் ஆளுக்கு பீனிக்ஸ் வறுவல் போட ஆரம்பித்து விட்டனர்.

விஜயகாந்த் மட்டுமல்ல இப்போது எல்லாம் வைகோ வேறு வலைத்தளவாசிகளின் கையில் சிக்கிக் கொள்கிறார். இவர்களின் ஓட்டு விழும் என்ற நம்பிக்கையில்தான் மக்கள் நலக்கூட்டணி இருந்தது. இப்போது வலைத்தளவாசிகளின் ஒரே பொழுதுபோக்கு மநகூவும், தேமுதிக விஜயகாந்தும்தான்.

இதில் பிரேமலதா வேறு கேப்டன் பேசுவதுதான் டுவிட்டரில் ட்ரெண்டு என்று கூறினார். அவர் சொன்னது போலவே காரைக்குடியில் விஜயகாந்த் பேசிய பீனிக்ஸ் பேச்சுதான் ட்ரெண்ட்.

#பீனிக்ஸ் பறவையாய் தேமுதிக மீண்டும் உயிர்த்தெழும்: விஜயகாந்த்#மறுபடியும் வறுவல் ஆக்கப்படும்.... pic.twitter.com/Izqyu250bq

— நக்கல் நாயகன் (@9pocfEysiyqjZId) June 10, 2016

பீனிக்ஸ் வறுவல்

வடிவேலுக்கும் விஜயகாந்துக்கும் ஏழாம் பொறுத்தம். இம்சை அரசன் கையில் அகப்பட்ட புறா வறுவல் ஆக்கப்படுவது போல பீனிக்ஸ் வறுவல் ஆக்கப்படும் என்று பதிவிட்டுள்ளார் இவர்.

பீனிக்ஸ் பறவையாக தே.மு.தி.க. எழும் -விஜயகாந்த்
# யார் எந்த ரூபத்தில் வந்தாலும் என்னிடம் இருந்து தப்பிக்க முடியாது pic.twitter.com/G54Wt37Uvn

— சிந்தனைவாதி (@PARITHITAMIL) June 9, 2016

தப்ப முடியாது

பீனிக்ஸ் பறவையாக தே.மு.தி.க. எழும் என்று விஜயகாந்த் கூற யார் எந்த ரூபத்தில் வந்தாலும் என்னிடம் இருந்து தப்பிக்க முடியாது என்று வைகோ கூறுவதாக பதிவிட்டுள்ளார் இந்த வலைஞர்.

எத்தனைமுறை வீழ்ந்தாலும் பீனிக்ஸ் பறவை போல் மீண்டு வருவேன் -விஜயகாந்த் #மப்டன் பீனிக்ஸ் பறவையாக எழுந்து வந்த போது... pic.twitter.com/Y2BLP6ssBC

— கலைஞர் நைனா (@Writter_Naina) June 9, 2016

வடிவேல் கோழி

கந்தசாமி படத்தில் வடிவேல் போட்ட கோழி கெட் அப் படத்தை போட்டு விஜயகாந்த் பீனிக்ஸ் பறவையாக எழுந்து வந்த போது... என்று பதிவிட்டுள்ளார் ஒருவர்.

பீனிக்ஸ் பறவையாய் மீண்டு வருவேன் -விஜயகாந்த் # அந்தப் பறவைய எழ விடாம பாத்துக்கதான் வைகோன்னு ஒரு கழுகு சுத்துதுல்ல!

— இடும்பாவனம் கார்த்தி (@idumbaikarthi) June 9, 2016

கழுகு சுத்துதே

விஜயகாந்த் என்ற பீனிக்ஸ் பறவையை வீழ்த்த வைகோ என்ற கழுகு சுத்துகிறது என்பது பெரும்பாலான வலைஞர்களின் கருத்தாக உள்ளது. இதையே பலரும் பதிவிட்டுள்ளனர்.

அடிபட்ட ஹீரோ போல் எழுவார் விஜயகாந்த் #பிரேமலதா

அடுத்து எங்கே?..ஊராட்சிமன்ற தேர்தலா .. சரி கிளம்பு😂😂😂 pic.twitter.com/yfW7L7jxYf

— ThaaruMaaru Arul (@Arul28667667) June 10, 2016

அடுத்து எங்கே?

அதே திருமண விழாவில் அடிபட்ட ஹீரோபோல விஜயகாந்த் எழுவார் என்று பிரேமலா கூறியதற்கு பின்னி எடுத்து விட்டனர்.
சட்டசபை தேர்தலில் தோற்ற அணி அடுத்து உள்ளாட்சி தேர்தலுக்கு கிளம்புகிறது என்பதை கூறும் வகையில் மீம்ஸ் போட்டு கிண்டலடித்துள்ளனர்.

English summary

Twitterist post comment Vijayakanth's phoenix bird Statement.