தொல். திருமாவளவனின் சொத்து மதிப்பு ரூ. 68.22 லட்சம்...ரூ.6.63 லட்சம் கடன்

சென்னை: விடுதலை சிறுத்தைகள் கட்சித்தலைவருக்கு ரூ. 68.22 லட்சம் சொத்து உள்ளதாகவும், ரூ. 6.63 லட்சம் கடன் உள்ளதாகவும் தெரிய வந்துள்ளது.

விடுதலை சிறுத்தைகள் கட்சி தலைவர் திருமாவளவன், கடலுார் மாவட்டம், காட்டுமன்னார்கோவில் தொகுதியில் போட்டியிடுகிறார். மக்கள் நலக் கூட்டணி சார்பில் போட்டியிடும் இவர், தேர்தல் நடத்தும் அலுவலர் முத்துக்குமாரசாமியிடம் நேற்று மனு தாக்கல் செய்தார்.

வேட்பு மனுவுடன் அவர் தாக்கல் செய்துள்ள பிரமாணப் பத்திரத்தில், தன்னிடம் ரூ. 39.78 லட்சம் அசையும் சொத்து இருப்பதாக குறிப்பிட்டுள்ளார். இதுதவிர ரூ. 25.77 லட்சம் மதிப்புள்ள பூர்விக சொத்தும் திருமாவளவனுக்கு உள்ளது.

மேலும் 2014-15 நிதி ஆண்டில் ரூ. 12.06 லட்சம் வருமானம் ஈட்டியதாகவும் குறிப்பிட்டுள்ளார். இதுதவிர வங்கியில் ரூ. 6.63 லட்சம் கடன் வாங்கியுள்ளதாகவும் குறிப்பிட்டுள்ளார். சொந்தமாக கார் வைத்துள்ளதாக குறிப்பிட்டுள்ள திருமாவளவன், தங்க, வெள்ளி நகைகள் ஏதும் இல்லை என்றும் கூறியுள்ளார்.

திருமாவளவன் சொத்து விவரம்:

அசையும் சொத்து: 39 லட்சத்து, 78 ஆயிரத்து, 940 ரூபாய். ஒரு சபாரி கார் உள்ளது.
அசையா சொத்து: 25 லட்சத்து, 77 ஆயிரத்து, 800 ரூபாய் மதிப்புள்ள, அங்கனுார் கிராமத்தில் உள்ள வீடு மற்றும் நிலம்.

வங்கி கணக்கு: ஸ்டேட் பாங்க், இந்தியன் ஓவர்சீஸ் வங்கி, ஆந்திரா வங்கி மற்றும் இந்தியன் வங்கிகளில், ஆறு அக்கவுன்ட் மூலம், 2 லட்சத்து, 67 ஆயிரத்து, 300 ரூபாய்.

English summary

According to the affidavits, Tirumavalavan's assets are worth Rs 65.55 lakhs.