ஜல்லிக்கட்டு காளையுடன் களமிறங்கும் 'மெர்சல்' விஜய் #Mersal #Thalapathy61

சென்னை: நடிகர் விஜய் நடித்து வரும் 61 வது படத்திற்கு 'மெர்சல்' என பெயரிடப்பட்டுள்ளது. இப்படத்தில் விஜய் ஜல்லிக்கட்டு வீரர் உள்ளிட்ட மூன்று விதமான கெட்டப்புகளில் நடிக்கிறார் என்று தகவல்கள் வெளியாகியுள்ளது.

தெறி வெற்றியைத் தொடர்ந்து அட்லி இயக்கத்தில் விஜய் நடித்து வரும் புதிய படத்தின் படப்பிடிப்பு விறுவிறுப்பாக நடைபெற்று வந்தது. இப்படத்தில் காஜல் அகர்வால், சமந்தா, நித்யா மேனன் என மூன்று கதாநாயகிகள் நடித்துள்ளனர். சத்யராஜ், எஸ்.ஜே.சூர்யா, வடிவேலு, சத்யன் உள்ளிட்டோரும் இப்படத்தில் நடித்துள்ளனர். ஆனால் படத்தின் தலைப்பு வெளியிடப்படாமலே விஜய் 61 என்ற ஹேஷ்டேக் டிவிட்டரை கலக்கி வந்தது.

இந்நிலையில் விஜய்யின் பிறந்தநாளை முன்னிட்ட இப்படத்தின் பர்ஸ்ட் லுக் போஸ்டரையும் படத்தின் தலைப்பையும் படக்குழு அதிகாரப்பூர்வமாக அறிவித்துள்ளது.

மெர்சல் என பெயரிடப்பட்டுள்ள இப்படத்தில் விஜய் ஜல்லிக்கட்டு வீரர் உள்ளிட்ட மூன்று விதமான கெட்டப்புகளில் நடிக்கிறார் என்று தகவல்கள் வெளியாகியுள்ளது. டைட்டில் வெளியாகிய சில நிமிடங்களிலேயே விஜய் ரசிகர்கள் இப்போதே கொண்டாட ஆரம்பித்து விட்டனர்.

இந்தப் படம் தேனாண்டாள் நிறுவனத்துக்கு 100-வது படமாகும். ஏ.ஆர்.ரஹ்மான் இசையமைக்கும் இப்படம் தமிழ், தெலுங்கு என இரு மொழிகளில் ஒரே சமயத்தில் உருவாகி வருகிறது.

English summary

Vijay's 61 film connecting with Jallikattu or traditional bull fighting