திரைப்படங்களில் முத்திரை பதித்த செவாலியர் கமல்ஹாசனுக்கு வாழ்த்துகள்... விஜயகாந்த்

By Mathi

Updated: Tuesday, August 23, 2016, 14:59 [IST]

Subscribe to Oneindia Tamil

சென்னை: பிரான்ஸ் அரசின் உயரிய விருதான 'செவாலியர்' விருதை பெறும் நடிகர் கமல்ஹாசனுக்கு தேமுதிக தலைவர் விஜயகாந்த் வாழ்த்துகளைத் தெரிவித்துள்ளார்.

இது தொடர்பாக விஜயகாந்த் இன்று வெளியிட்ட அறிக்கை:

திரைப்படத்துறையில் நடிகர் கமல்ஹாசன் அவா்களின் சிறப்பான பங்களிப்பை கவுரவிக்கும் வகையில் பிரான்ஸ் அரசு செவாலியா் விருதை அறிவித்துள்ளது மகிழ்ச்சியளிக்கிறது.

தமிழ், தெலுங்கு, கன்னடம், இந்தி, மலையாளம் உள்ளிட்ட பல்வேறு மொழித்திரைப்படங்களில் நடிகர் கமல்ஹாசன் தனது முத்திரையை பதித்தவா்.

இந்திய அரசின் பத்மஸ்ரீ, பத்ம பூஷன் விருதுகளையும், மாநில அரசின் கலைமாமணி உள்ளிட்ட விருதுகளையும் பெற்ற பெருமைக்குறியவா் திரு. கமல்ஹாசன்.

தனது 5 வயது முதல் கலையுலகில் சேவையாற்றி வரும் திரு. கமல்ஹாசன், புரட்சித் தலைவர் எம். ஜி.ஆர்., நடிகர் திலகம் சிவாஜி கணேசன் உள்ளிட்ட நடிகா்களுடன் இணைந்து நடித்து மக்களின் மனங்களில் இடம்பிடித்துள்ளதுடன், மனக்கணக்கு என்ற திரைப்படத்தில் நானும் திரு. கமல்ஹாசன் அவா்களும் இணைந்து நடித்துள்ளோம்.

செவாலியா் விருது மட்டுமில்லாமல் உலகளவில் மேலும் பல விருதுகளை திரு. கமல்ஹாசன் பெறவேண்டும் என்று எனது வாழ்த்துக்களை தெரிவித்துக்கொள்கிறேன்.