சிவாஜி, கமலைவிட நன்றாக நடிக்கும் ஓபிஎஸ்-ஈபிஎஸ்: விஜயகாந்த் கடும் தாக்கு

முதல்வர் ஈபிஎஸ், துணை முதல்வர் ஓபிஎஸ் இருவரும் நன்றாக நடிப்பதாக சாடியுள்ளார் விஜயகாந்த்.

விழுப்புரம்: சிவாஜி கணேசன், கமல்ஹாசனை விட ஓபிஎஸ், ஈபிஎஸ் நன்றாக நடிப்பதாக தேமுதிக பொதுச்செயலர் விஜயகாந்த் சாடியுள்ளார்.

கரும்பு விவசாயிகளுக்கு நிலுவைத் தொகையை வழங்காததை கண்டித்து விழுப்புரத்தில் நடைபெற்ற ஆர்ப்பாட்டத்தில் விஜயாகாந்த் பேசியதாவது:

ஜெயலலிதா அரசு 100 நாள் சாதனை 100 ஆண்டுகள் பேசும் என கூறினார்கள். ஆனால் ஓராண்டிலேயே ஜெயலலிதா மறைந்து போய்விட்டார்.

ஜெயலலிதா மறைந்த ஓராண்டில் லஞ்சத்திலும் ஊழலிலும்தான் தமிழகம் முதலிடம் வகிக்கிறது. டெங்கு காய்ச்சலுக்கு 40 பேர் பலி என்கிறார் அமைச்சர்.

நெல்லையில் தீக்குளித்து 3 பேர் உயிரிழந்துள்ளனர். தற்போதைய எடப்பாடி அரசால் கந்துவட்டி கொடுமையை ஒழித்து கட்ட முடியவில்லை. கந்து வட்டியால் நாளை விவசாயிகளும் இறக்க நேரிடும்..அப்போது விஜயகாந்த் பார்த்துக் கொண்டு சும்மா இருக்க மாட்டேன்.

எம்ஜிஆர் நூற்றாண்டு விழாவை பயன்படுத்தி ஈபிஎஸ், ஓபிஎஸ் சம்பாதிக்கிறார்கள். சிவாஜி, கமலை விட ஈபிஎஸ், ஓபிஎஸ் சிறந்த நடிகர்கள். அதிமுக தொண்டர்கள் விரைவில் தேமுதிகவுக்குதான் வருவார்கள்.

இவ்வாறு விஜயகாந்த் கூறினார்.

English summary

DMDK general secretary Vijayakanth slammed CM Edappadi palanisamy and Deputy CM O Panneerselvam.