தினகரன் குரூப்பில் விளாத்திகுளம் எம்எல்ஏ உமா மகேஸ்வரி.. தினகரனிடமிருந்து விலகினார் "தோப்பு"!
Recommended Video
சென்னை: தினகரன் தரப்புக்கு ஆதரவாக மாறியுள்ளார் விளாத்திகுளம் எம்எல்ஏ உமா மகேஸ்வரி. இதுவரை தினகரன் ஆதரவு நிலையில் இருந்த பெருந்துறை எம்எல்ஏ தோப்பு வெங்கடாச்சலம் அணி மாறியுள்ளார்.
பொறுப்பு ஆளுநர் வித்யாசாகர ராவை இன்று தினகரன் ஆதரவு எம்எல்ஏக்கள் சந்தித்தனர். இந்தக் குழுவில் மொத்தம் 19 எம்எல்ஏக்கள் இடம் பெற்றிருந்தனர்.
25 பேர் வரை தினகரன் தரப்பில் இருப்பதாக கூறப்பட்ட நிலையில் 19 பேர் மட்டுமே வந்திருந்தனர். இதில் கூட உமா மகேஸ்வரி புதுமுகம் ஆவார். இதுவரை அவர் மாற்று அணியில் இருந்து வந்தார். இன்று காலை வந்த குழுவில் இவரும் இடம் பெற்றுள்ளார்.
அணி மாறிய தோப்பு
இதற்கிடையே தினகரனின் தீவிர ஆதரவாளராக இருந்து வந்த முன்னாள் அமைச்சரும் பெருந்துறை எம்எல்ஏவுமான தோப்பு வெங்கடாச்சலம் தினகரன் ஆதரவு நிலையிலிருந்து விலகியுள்ளார்.
முதல்வர் இபிஎஸ் மற்றும் துணை முதல்வர் ஓபிஎஸ்ஸுக்கு ஆதரவாக அவர் மாறியுள்ளார்.
இன்று ஆளுநர் மாளிகைக்கு வந்த தினகரன் ஆதரவு எம்எல்ஏக்கள் விவரம்:
செந்தில் பாலாஜி, கோதண்டபாணி, ஆம்பூர் பாலசுப்பிரமணியன், மாரியப்பன் கென்னடி, ஏழுமலை, சுப்பிரமணி, கதிர்காமு, டாக்டர் முத்தையா, தங்கதமிழ்செல்வன், வெற்றிவேல், பழனியப்பன், அரூர் முருகன், ரங்கசாமி, தங்கதுரை, ஜக்கையன், சுந்தரராஜன், சோளிங்கர் பார்த்திபன், ஜெயந்தி பத்மநாபன், உமா மகேஸ்வரி.
Click it and Unblock the Notifications
Sign in with Google