திடீர் என்று உடல் நலிவடைய காரணம் என்ன?.. கருணாநிதி உடலில் இருக்கும் 4 பிரச்சனைகள்
திமுக தலைவர் கருணாநிதியின் உடல்நிலை தற்போது மிகவும் மோசமடைந்து இருக்கிறது.
Recommended Video
சென்னை: திமுக தலைவர் கருணாநிதியின் உடலில் நான்கு விதமான பிரச்சனைகள் ஏற்பட்டு உள்ளது. இதன் காரணமாகவே அவர் தற்போது மோசமான உடல்நிலையை அடைந்துள்ளார்.
திமுக தலைவர் கருணாநிதியின் உடல்நிலை தற்போது மிகவும் மோசமடைந்து இருக்கிறது. அவருக்கு எட்டுக்கும் அதிகமான மருத்துவர்கள் தீவிரமாக சிகிச்சை அளித்து வருகிறார்கள்.
காவேரி மருத்துவமனையில் அவர் 24 மணி நேர கண்காணிப்பில் சிகிச்சை பெற்றுவருகிறார். அவரது உடல்நிலை நிமிடத்திற்கு நிமிடம் மோசமாகி வருவதாக தகவல்கள் தெரிவிக்கிறது.
சிறுநீரக நோய் தொற்று
கருணாநிதிக்கு சிறுநீரக நோய் தொற்று கடந்த 15 நாட்களாகவே இருக்கிறது. அவருக்கு டிரகியாஸ்டமி சிசிச்சை செய்த பின் காய்ச்சல் ஏற்பட்டது. அதை குணப்படுத்த கொடுக்கப்பட்ட மருந்துகள் அவர் உடலுக்கு ஒத்துழைக்காததால், மருந்துகள் நிறுத்தப்பட்டது. இதனால் சிறுநீரக நோய் தொற்று ஏற்பட்டது. தற்போது இந்த சிறுநீரக நோய் தொற்று பிரச்சனை தீவிரமடைந்து உள்ளது.
கல்லீரல் நோய் தொற்று
உடலில் கொஞ்சம் கொஞ்சமாக தீவிரமடைந்த இந்த சிறுநீரக நோய் தொற்று தற்போது அவர் ரத்த குழாய் மூலம் பரவி வருகிறது. இதனால் கல்லீரலில் நோய் தொற்று ஏற்பட்டு இருப்பதாக தகவல்கள் வெளியாகி உள்ளது. இந்த கல்லீரல் நோய் தொற்று எளிதில் குணப்படுத்தக் கூடியது கிடையாது என்று மருத்துவர்கள் கூறியுள்ளனர்.
சுவாச பிரச்சனை
இந்த நிலையில் அவருக்கு நின்று இருந்த, சுவாச பிரச்சனை மீண்டும் அதிகரித்துள்ளது. அவர் மூச்சு விட மிகவும் அதிக சிரமத்திற்கு உள்ளாகிறார் என்று கூறப்படுகிறது. சரியான அளவில் அவரால் ஆக்சிஜனை உள்ளிழுக்க முடியவில்லை, ரத்த குழாயில் நோய் தொற்று இருப்பதால் அவரால் சரியாக சுவாசிக்க முடியவில்லை என்று கூறப்படுகிறது.
கருணாநிதியின் உறுப்புகள் செயலிழந்தது
அதன்பின் அவரது உடல்நிலை போதுமான சுவாசம் இல்லாத காரணத்தால் செயலிழந்து இருக்கிறது. இதுதான் அவரின் உடலில் ஏற்பட்டு இருக்கும் பெரிய பிரச்சனை என்று கூறப்படுகிறது. இந்த வயதில் உடலில் ஏற்பட்டு இருக்கும் உறுப்பு செயலிழப்பை சரி செய்வது என்பது இயலாத காரியம் என்று மருத்துவர்கள் கூறி வருகிறார்கள். இதனால் அவர் தீவிரமாக கண்காணிக்கப்பட்டு வருகிறார்.