'அவங்க' முதல்வர் வேட்பாளர் எங்கே இருக்கிறார் என்றே தெரியலையே: அன்புமணி

By Siva

Published: Tuesday, April 5, 2016, 11:51 [IST]

Subscribe to Oneindia Tamil

கோவை: தேமுதிக-மக்கள் நலக் கூட்டணி முதல்வர் வேட்பாளரான விஜயகாந்த் எங்கு உள்ளார் என்றே தெரியவில்லை என பாமக முதல்வர் வேட்பாளரான அன்புமணி ராமதாஸ் தெரிவித்துள்ளார்.

தேமுதிக தலைவர் விஜயகாந்த் மக்கள் நலக் கூட்டணியுடன் சேர்ந்தார். இதையடுத்து விஜயகாந்த் முதல்வர் வேட்பாளராக அறிவிக்கப்பட்டார். முதல்வர் வேட்பாளராக அறிவிக்கப்பட்டதில் இருந்து அவரை காண முடியவில்லை என்று பலரும் கூறி வருகிறார்கள்.

Where is 'their' CM candidate?: Anbumani Ramadoss

இந்நிலையில் இது குறித்து பாமக முதல்வர் வேட்பாளரான அன்புமணி ராமதாஸ் செய்தியாளர்களிடம் கூறுகையில்,

நாங்கள் கூட்டணி குறித்து எந்த கட்சியுடனும் பேச்சுவார்த்தை நடத்தவில்லை. விரைவில் பாமக வேட்பாளர் பட்டியல் வெளியாகும். மக்கள் நலக் கூட்டணி தலைவர்கள் விஜயகாந்தை முதல்வர் வேட்பாளராக அறிவித்து 10 நாட்களாகிவிட்டது. ஆனால் அவர் இது குறித்து இதுவரை எதுவும் கூறவில்லை. அது ஏன்?

முதல்வர் வேட்பாளரான விஜயகாந்த் எங்கு உள்ளார் என்றே தெரியவில்லை.

நான் பாமக முதல்வர் வேட்பாளராக அறிவிக்கப்பட்ட மறுநாளே பத்திரிக்கையாளர்களை 2 மணிநேரம் சந்தித்து பேசினேன். மாவட்டம் மாவட்டமாக சென்று மக்களை சந்தித்து பேசினேன். தேமுதிக-மக்கள் நலக் கூட்டணி தலைவர்களிடையே கருத்து ஒற்றுமை இல்லை என்றார்.

Published On April 5, 2016