விமலாவைத்தான் தெரியும்... லைனா புது பெயரா இருக்கே... அதிர்ச்சியில் தினகரன் அடிப்பொடிகள்!
தினகரனின் புதிய தோழி லைனா யார் என்பது குறித்து தங்களுக்கே அதிகம் தெரியாது என்கின்றனர் அவரது ஆதரவாளர்கள்.
சென்னை: தேர்தல் ஆணையத்துக்கு லஞ்சம் கொடுத்த வழக்கில் சிக்கியுள்ள டிடிவி தினகரனின் தோழி லைனாவிடமும் டெல்லி போலீஸ் சென்னையில் விசாரித்தது பெரும் பரபரப்பை ஏற்படுத்தியிருந்தது. ஆனால் தினகரனுக்கு நெருக்கமான வட்டாரங்களோ லைனா என்ற கேரக்டரே புதியதாக இருக்கிறதே அதிர்ந்து போயுள்ளன.
தேர்தல் ஆணையத்துக்கு லஞ்சம் கொடுத்த வழக்கில் தினகரனை டெல்லி போலீசார் கைது செய்தனர். பின்னர் கஸ்டடியில் எடுத்து சென்னைக்கு அழைத்து வந்தும் விசாரணை நடத்தினர்.
திருவல்லிக்கேணி லைனா
சென்னைக்கு தினகரன் அழைத்துவரப்பட்ட போது திருவல்லிக்கேணியில் உள்ள அவரது தோழி லைனாவிடமும் டெல்லி போலீஸ் விசாரித்தது. லைனா என்ற பெண்ணிடம் டெல்லி போலீஸ் விசாரணண நடத்தியது பெரும் பரபரப்பை ஏற்படுத்தியது.
யார் இந்த லைனா?
யார் இந்த லைனா என பத்திரிகையாளர்கள் முட்டி மோதியும் இதுவரை உருப்படியான தகவல்கள் கிடைக்கவில்லை. இது தொடர்பாக தினகரன் ஆதரவாளர்களிடம் நாம் விசாரித்த போது, விமலா என்ற தோழிதான் தினகரனைப் பார்க்க வந்து போய்க் கொண்டிருந்தார்.
விமலாதான் தெரியும்..
தற்போது தினகரனுடன் சிக்கியுள்ள மல்லி மற்றும் ஜனா ஆகியோர்தான் விமலாவுக்கு முக்கியத்துவம் கொடுத்து வந்தனர். இந்த லைனா எப்போது தினகரனுடன் இணைந்தார் என்பது எங்களுக்கே தெரியாது என்கின்றனர் தினகரனின் அடிப்பொடிகள்.
செரினா வரிசையில் லைனா?
சசிகலா குடும்பத்தைப் பொறுத்தவரையில் ஏற்கனவே செரினா என்ற பெயர் அடிபட்டது. சசிகலாவின் கணவர் நடராசனுடன் நெருக்கமாக இருந்த காரணத்தாலே கஞ்சா வழக்கில் சிக்கியவர் செரினா. இப்போது தினகரனுடன் நெருக்கமாக இருந்ததால் லைனா என்ற பெண்ணும் சிக்கியிருப்பது குறிப்பிடத்தக்கது.
Click it and Unblock the Notifications
Sign in with Google