தமிழக பாஜக புதிய தலைவர் யார்? கல்யாணராமனா, ராகவனா, கருப்பு முருகானந்தமா??
தமிழக பாஜகவின் புதிய தலைவர் பட்டியலில் கல்யாணராமன், ராகவன் மற்றும் கருப்பு முருகானந்தம் பெயர்கள் அடிபடுகின்றன.
சென்னை: தமிழக பாஜகவின் புதிய தலைவராக கல்யாணராமன், கே.டி. ராகவன் மற்றும் கருப்பு முருகானந்தம் ஆகியோரில் ஒருவர் நியமிக்கப்படலாம் என கூறப்படுகிறது.
தமிழக பாஜக தலைவராக உள்ள தமிழிசையை மாற்றுவது என்பதில் டெல்லி மேலிடம் உறுதியாக உள்ளது. இதனால் தமிழிசை சவுந்தரராஜன் எப்போது வேண்டுமானாலும் மாற்றப்படலாம் என்கிற நிலை உள்ளது.
தமிழிசைக்கு பதிலாக வானதி சீனிவாசனை டெல்லி மேலிடம் பரிசீலிப்பதாக முதலில் தகவல்கள் வெளியாகின. இருப்பினும் தொடர்ந்து பெண்களுக்கே வாய்ப்பு தருவதா? என்கிற யோசனையில் இருக்கிறதாம் டெல்லி.
வானதி சீனிவாசன்
அத்துடன் வானதி சீனிவாசன் நல்ல பேச்சாளராக இருந்தபோதும் அரசியலில் தொடர் தோல்விகளையே சந்தித்து வருகிறவர். அதனால் அவருக்கு பதிலாக வேறு ஒருவரை நியமிக்கலாம் என கருதுகிறதாம் பாஜக மேலிடம்.
தீவிர ஆர்.எஸ்.எஸ்.
தமிழகத்தில் காலூன்ற வாய்ப்பு கிடைத்துவிடும் என பாஜக நினைக்கும் நிலையில் தீவிர ஆர்.எஸ்.எஸ். உறுப்பினர்களை தலைவராக்கலாம் என்கிற பரிசீலனையும் இருக்கிறதாம். இந்த அடிப்படையில் கல்யாணராமன், ராகவன் ஆகியோர் பெயர்கள் அடிபடுகின்றன.
கல்யாணராமன்
கல்யாணராமனைப் பொறுத்தவரையில் எதிர்விளைவுகளைப் பற்றி கவலைப்படாமல் ஆர்எஸ்எஸ் சித்தாந்தத்தை பகிரங்கமாக பேசக் கூடியவர். வடதமிழகத்தில் பெரும்பான்மை சமூகத்தைச் சேர்ந்தவர். தமிழிசையைப் போல இல்லாமல் பகிரங்கமாக திராவிட இயக்க சித்தாந்தத்தை விமர்சிக்கக் கூடியவர்.
ராகவன்
அதேபோல் கே.டி. ராகவனும் ஊடக விவாதங்களில் அதிகம் பங்கேற்கக் கூடியவர். திராவிட இயக்க சித்தாந்தத்தை மிக கடுமையாக விமர்சித்து பதில்தரக் கூடியவர். இதனால் கல்யாணராமன் மற்றும் கேடி ராகவன் ஆகியோரது பெயர்கள் பரிசீலனையில் உள்ளது.
கருப்பு முருகானந்தம்
இவர்கள் அல்லாமல் கருப்பு முருகானந்தத்தின் பெயரும் அடிபடுகிறது. கருப்பு முருகானந்தம் ஏற்கனவே சுவாதி- ராம்குமார் கொலை விவகாரங்களில் அடிபட்டவர். ஆட்பலத்தை திரட்டக் கூடிய வலிமை கருப்பு முருகானந்துக்கு இருப்பதாக பாஜக நம்புகிறது. இந்த மூவரில் ஒருவரை தமிழக பாஜக தலைவராக விரைவில் அறிவிக்கலாம் என்கின்றன அக்கட்சி வட்டாரங்கள்.
-
முதியவர்கள் அதிகம் வாழும் மாநிலமாக மாறுகிறதா தமிழ்நாடு..? இதென்னப்பா புது பிரச்சனை? -
விஜய்யை வளைக்கிறதா தாமரை? காங்கிரஸை ஓரங்கட்ட தவெக மெகா பிளான்! அம்பலப்படுத்திய பாஜக -
கொஞ்சம் பொறுமையா இருங்க ஜி! தனித் தவில் வாசிக்க தயாரான அண்ணாமலை! அமைதிப்படுத்த இறங்கிய அமித் ஷா? -
பிறந்தநாளன்று புதிய கட்சி அறிவிப்பு? பாஜக மேலிடத்திடம் டைம் கேட்ட அண்ணாமலை.. ரகசிய மூவ்! -
தமிழ்த்தாய் வாழ்த்து விவகாரத்தை கையில் எடுத்த விஜய்.. உள்துறை அமைச்சகத்திடம் சொல்லுங்க.. விஜய் வைத்த கோரிக்கை! -
அண்ணாமலை 'மும்மொழி' எதிர்ப்பு: நேபாளப் பயணம்... ரஜினியுடன் ரகசிய சந்திப்பா? விரைவில் புது கட்சி -
"ஆர்.எஸ்.எஸ் பேரப்பிள்ளையாக மாறிய விசிக".. திருமா மீது பொன்.ராதாகிருஷ்ணன் கடும் தாக்கு! -
'பவர்’ தந்த மக்களுக்கு ’பவர்கட்’ பரிசு.. என்ன துறை என்றே தெரியாத அமைச்சர்கள்! விட்டு விளாசிய தமிழிசை -
மொத்தமாக காலியாகும் மம்தா கட்சி.. பாஜகவுக்கு தாவும் 50 திரிணாமுல் MLAகள்? 20 எம்பிக்களும் ராஜினாமா? -
நிர்மலா சீதாராமனை சந்திக்கும் விஜய்.. 20 நிமிடத்தை தாண்டுமா? மோடி சந்தித்த கையோடு அடுத்த முக்கிய அப்பாயின்மென்ட்! -
பெங்களூர், ஹைதராபாத்-யிடம் தோற்றுப்போகும் சென்னை.. தலையெழுத்தை மாற்றுவாரா விஜய்! -
1700 ஏக்கர் சிப்காட் பூங்கா ஒரு சர்வதேச விமான நிலையத்திற்கு இணையான வளர்ச்சியை கொடுக்குமா?- ஒரு அலசல்
Click it and Unblock the Notifications
Sign in with Google