ஏற்காடு தொகுதி அதிமுக வேட்பாளர் சரோஜாவின் சொத்து மதிப்பு ரூ.2.29 கோடி

சேலம்: ஏற்காடு இடைத்தேர்தலில் போட்டியிடும் அதிமுக வேட்பாளர் சரோஜாவின் சொத்து மதிப்பு ரூ.2.29 கோடி ஆகும்.

ஏற்காடு இடைத்தேர்தலில் அதிமுக சார்பில் போட்டியிடும் சரோஜா நேற்று தனது வேட்புமனுவை தாக்கல் செய்தார். அப்போது அவர் தனது சொத்து மதிப்பு விவரங்களையும் தாக்கல் செய்தார்.

சரோஜாவின் பெயரில் வங்கியில் ரூ.20 லட்சத்து 26 ஆயிரத்து 63ம், மரணம் அடைந்த அவரது கணவர் பெருமாள் பெயரில் ரூ. 33 லட்சத்து 67 ஆயிரத்து 236ம் உள்ளது.

மேலும் அவரது நான்கு மகன்கள் பெயரில் வங்கியில் உள்ள பணத்தின் விவரம் வருமாறு,

ராஜேஷ் கண்ணா - 12 லட்சத்து 22 ஆயிரத்து 36 ரூபாய்

சுரேஷ் கண்ணா - 6 லட்சத்து 38 ஆயிரம் ரூபாய்

சதீஷ் - 11 லட்சத்து 85 ஆயிரத்து 992 ரூபாய்

கார்த்திக் - 20 லட்சத்து 39 ஆயிரத்து 583 ரூபாய்

சரோஜாவின் பெயரில் ரூ. 7 லட்சம் மதிப்புள்ள நிலம், அவரது கணவர் பெயரில் ரூ.20 லட்சம் மதிப்புள்ள வீடு, ராஜேஷ் கண்ணா பெயரில் ரூ.5 லட்சம் மதிப்புள்ள நிலம் ஆகியவை உள்ளன. இவை அனைத்தையும் சேர்த்தால் ரூ.1 கோடியே 4 லட்சத்திற்கு அசையும் சொத்தும், விவசாய நிலம் உள்பட ரூ.1 கோடியே 25 லட்சத்திற்கு அசையா சொத்துக்களும் உள்ளன என்று சரோஜா தனது மனுவில் தெரிவித்துள்ளார். மொத்தத்தில் சரோஜாவின் சொத்து மதிப்பு ரூ.2 கோடியே 29 லட்சம் ஆகும் என்பது குறிப்பிடத்தக்கது.

English summary

ADMK candidate Saroja who is contesting in the Yercaud bypoll has Rs. 2.29 crore worth assets.