நாங்குநேரி முக்கியம்.. காங்கிரஸ் வேட்பாளருக்காக களமிறங்கிய ஸ்டாலின்.. அதிரடி பிளான் ரெடி!

நாங்குநேரி தொகுதி சட்டசபை இடைத்தேர்தலில் வெற்றிபெறுவதற்காக திமுக தலைவர் ஸ்டாலின் அசத்தல் திட்டம் ஒன்றை போட்டுள்ளார் என்று தகவல்கள் வருகிறது.

Published: Sunday, September 29, 2019, 16:03 [IST]

Subscribe to Oneindia Tamil

Recommended Video

நாங்குநேரியில ஸ்டாலின் அசத்தல் திட்டம்

சென்னை: நாங்குநேரி தொகுதி சட்டசபை இடைத்தேர்தலில் வெற்றிபெறுவதற்காக திமுக தலைவர் ஸ்டாலின் அசத்தல் திட்டம் ஒன்றை போட்டுள்ளார் என்று தகவல்கள் வருகிறது.

தமிழகம் மீண்டும் இன்னொரு இடைத்தேர்தல் களத்திற்கு தயாராகிவிட்டது. வேலூர் லோக்சபா தேர்தலுக்கு பிறகு தற்போது மீண்டும் தமிழகத்தில் இரண்டு சட்டசபை தொகுதிகளுக்கு தேர்தல் நடக்கிறது.

அதன்படி தமிழகத்தில் நாங்குநேரி விக்கிரவாண்டி தொகுதிகளுக்கான இடைத்தோ்தல் வரும் அக்டோபர் மாதம் 21ம் தேதி நடைபெறுகிறது. இதற்கான திமுக கூட்டணி வேட்பாளர்கள் ஏற்கனவே அறிவிக்கப்பட்டுவிட்டார்கள்.

யார் போட்டி

அதன்படி திமுக வேட்பாளர் புகழேந்தி விக்கிரவாண்டியில் போட்டியிடுகிறார். நாங்குநேரி தொகுதியில் திமுக கூட்டணி சார்பாக காங்கிரஸ் வேட்பாளர் ரூபி மனோகரன் போட்டியிடுகிறார். இதில் நாங்குநேரியில் வெற்றிபெறுவதை திமுக முக்கியமானதாக கருதுகிறது.

ஏன் முக்கியம்

அதன்படி, தென் மாநிலங்களில் பாஜக - அதிமுக வேகமாக வளர்ந்து வருகிறது. தமிழகத்தில் பாஜக வலுவாக இருக்கும் மாவட்டம் கன்னியாகுமரி என்று கூறலாம். இதனால் அதன் அருகே இருக்கும் நாங்குநேரி தொகுதியில் வெற்றிபெறுவதை மிக முக்கியமான விஷயமாக திமுக கருதுகிறது.

அதிகமாக பிரச்சாரம்

இதனால் விக்கிரவாண்டி தொகுதியை விட நாங்குநேரி தொகுதியில் அதிக நாட்கள் பிரச்சாரம் செய்ய திமுக தலைவர் ஸ்டாலின் முடிவு செய்துள்ளார். ஸ்டாலின் இதற்காக ரூபி மனோகரனை ஆதரித்து சூறாவளி பிரச்சாரம் மேற்கொள்ள இருக்கிறார்.

எத்தனை நாட்கள்

அதன்படி அக்டோபா் 5, 6, 9, 10, 12, 13, 14 ,15, 16 ஆகிய நாட்களில் தொடர்ச்சியாக 9 நாட்கள் ஸ்டாலின் பிரச்சார செய்ய உள்ளார். நாங்குநேரி முழுக்க நடைபயணமாக சென்று ஸ்டாலின் பிரச்சாரம் செய்ய உள்ளார். இந்த பிரச்சாரத்தை சட்டசபை தேர்தலுக்கான முன்னோட்டமாக திமுக பார்க்கிறது.

திமுக எப்படி

அதன்படி அதிமுகவின் ஆட்சி குறித்தும், தென் மாவட்டங்கள் புறக்கணிக்கப்படுவது குறித்தும் ஸ்டாலின் இதில் பேசுவார் என்று கூறுகிறார்கள். இங்கு ஸ்டாலின் உடன் உதயநிதி ஸ்டாலினும் பிரச்சாரம் செய்ய உள்ளார். அதேபோல் காங்கிரஸ் எம்பி வசந்த குமார் இங்கு ஸ்டாலின் உடன் பிரச்சாரம் மேற்கொள்ள இருக்கிறார் என்பதும் குறிப்பிடத்தக்கது.

Published On September 29, 2019