பழிக்குப்பழி.. சுற்றி வளைத்த 10 பேர்.. நெல்லையில் போலீசின் தம்பி கொடூர கொலை.. திடுக்கிடும் சம்பவம்

Updated: Thursday, September 16, 2021, 12:49 [IST]

Subscribe to Oneindia Tamil

திருநெல்வேலி: திருநெல்வேலியில் போலீஸ் ஒருவரின் தம்பி 10 நபர்களால் கொடூரமாக கொலை செய்யப்பட்ட சம்பவம் பெரிய பரபரப்பை ஏற்படுத்தி உள்ளது.

நெல்லை பாளையங்கோட்டை கேண்டின் அருகே இந்த சம்பவம் நடந்து உள்ளது. பாளையங்கோட்டை சாந்திநகர் பகுதியை சேர்ந்தவர் மக்தூம். இவரின் மகன் அங்கு போலீஸ் அதிகாரியாக இருக்கிறார். அங்கு இருக்கும் போலீஸ் குடியிருப்பில் மொத்த குடும்பமும் வசித்து வருகிறது.

இவரின் இன்னொரு மகன் அப்துல் காதரும் அதே வீட்டில் வசித்து வருகிறார். அப்பகுதியில் நண்பர்களுடன் இவர் குழுவாக சுற்றுவது வழக்கம் என்று கூறப்படுகிறது. இவரின் குழுவிற்கும் சாத்தன் குளத்தில் இருக்கும் வேறு ஒரு குழுவிற்கும் இடையில் மோதல் நிலவி வந்ததாக கூறப்படுகிறது.

மோதல்

இந்த நிலையில் அப்துல் காதர் நேற்று தனது நண்பர்களோடு சேர்ந்து இரவு நேரத்தில் சாலை ஓரம் மறைவாக இருந்த பகுதியில் நின்று மது அருந்திக்கொண்டு இருந்துள்ளார். 3 நண்பர்கள் வரை அங்கே இருந்துள்ளனர். அப்போது அந்த பகுதிக்கு முகத்தில் துணியால் மூடி மொத்தம் 10 பேர் வந்துள்ளனர். கையில் அரிவாள், கத்தி என்ற பயங்கர ஆயுதங்களோடு வந்துள்ளனர்.

ஓடினார்கள்

தங்களைத்தான் தாக்க வருகிறார்கள் என்று தெரிந்து கொண்டு போதையில் இருந்த அப்துல் காதர் உட்பட மூவரும் வேகமாக அங்கிருந்து ஓடி உள்ளனர். அவர்களை துரத்தி சென்ற அந்த 10 பேர் கொண்ட கும்பல் மற்றவர்களை விட்டுவிட்டு அப்துல் காதரை மட்டும் சுற்றி வளைத்து தாக்கி இருக்கிறார்கள். சரமாரியாக சுற்றி வளைத்து அங்கேயே அவரை கொன்றுள்ளனர்.

மரணம்

இதில் சம்பவ இடத்திலேயே அப்துல் காதர் பலியானார். இவரின் உடலை பிரேத பரிசோதனைக்காக தற்போது மருத்துவமனைக்கு கொண்டு சென்றுள்ளனர். பாளையங்கோட்டை போலீசார் இதில் தீவிரமாக விசாரித்து வருகிறார்கள். சாத்தான்குளத்தில் நடந்த வேறு ஒரு கொலைக்கு பழி வாங்கும் விதமாக இவர் கொல்லப்பட்டதாக சந்தேகிக்கப்படுகிறது.

விசாரணை

பாளையங்கோட்டையில் இந்த சம்பவம் பெரிய பரபரப்பை ஏற்படுத்தி உள்ளது. அதே சமயம் இதற்கு பின் வேறு காரணம் உள்ளதா என்றும் விசாரிக்கப்பட்டு வருகிறது.இவரின் அண்ணன் போலீஸ் என்பதால் அதன் காரணமாக எதாவது கும்பல் பழி வாங்கி இருக்கலாம் என்றும் சந்தேகிக்கப்படுகிறது. போலீசார் 10 பேரையும் தீவிரமாக தேடிக்கொண்டு இருக்கிறார்கள்.