திருநெல்வேலி தொகுதி: நெல்லை சீமையில் திராவிட கோட்டையில் காவி கொடியை பறக்க விடுவாரா நயினார்?

திருநெல்வேலி: திருநெல்வேலி லோக்சபா தொகுதியில் அதிமுக 7 முறை வென்றுள்ளது. இம்முறை பாஜகவின் நயினார் நாகேந்திரன் காவி கொடியை பறக்கவிடுவாரா என தொடக்கம் முதலே எதிர்பார்ப்பு நிலவுகிறது.

திருநெல்வேலி லோக்சபா தொகுதிக்குட்பட்ட சட்டசபை தொகுதிகள்: ஆலங்குளம், திருநெல்வேலி, அம்பாசமுத்திரம், பாளையங்கோட்டை, , நாங்குனேரி, இராதாபுரம்.

திருநெல்வேலி லோக்சபா தொகுதி மொத்த வாக்காளர்கள்: 16,42,305; ஆண்கள்- 8,02,293; பெண்கள் 8,39,863; 3-ம் பாலினத்தவர்- 149

2009-ம் ஆண்டு லோக்சபா தேர்தல் முடிவுகள்

எசு. இராமசுப்பு(காங்கிரஸ்) 2,74,932
அண்ணாமலை(அதிமுக) 2,53,629
மைக்கேல் இராயப்பன்(தேமுதிக) 94,562
கரு. நாகராஜன்(பாஜக) 39,997

2014-ம் ஆண்டு தேர்தல் முடிவுகள்:

கே. ஆர். பி. பிரபாகரன்(அதிமுக) 3,98,139
சி. தேவதாச சுந்தரம்(திமுக) 2,72,040
சிவனணைந்த பெருமாள்(தேமுதிக) 1,27,370
ராமசுப்பு(காங்கிரஸ்) 62,863

2019-ம் ஆண்டு தேர்தல் முடிவுகள்:

எஸ். ஞானதிரவியம் (திமுக) 5,22,623
மனோஜ் பாண்டியன்(அதிமுக) 3,37,166
மைக்கேல் இராயப்பன்(அமமுக) 62,209
சத்யா(நாம் தமிழர் கட்சி) 49,898
வெண்ணிமலை (மக்கள் நீதி மய்யம்) 23,100

2024-ம் ஆண்டு களத்தில் நிற்பவர்கள்

ராபர்ட் புரூஸ் (காங்கிரஸ்)
ஜான்சி ராணி (அதிமுக)
நயினார் நாகேந்திரன் (பாஜக)
சத்யா (நாம் தமிழர் கட்சி)

திருநெல்வேலி கள நிலவரம் என்ன: இத்தொகுதியில் 7 முறை அதிமுக வென்றுள்ளது. அதிமுக எம்பிக்களாக ஆலடி அருணா, கடம்பூர் ஜனார்த்தனம், பிஎச் பாண்டியனை நாடாளுமன்றத்துக்கு அனுப்பிய தொகுதி. திமுக 3 முறை வெற்றி பெற்றுள்ளது. காங்கிரஸ் 2 முறை வென்றுள்ளது. 1991-ல் திமுகவின் மூத்த தலைவர் கேபி கந்தசாமி போட்டியிட்டு தோல்வியைத் தழுவினார். 1998-ல் நடிகர் சரத்குமார், திமுக வேட்பாளராகப் போட்டியிட்டு தோற்றார்.

திமுக, அதிமுகவுக்கு வலிமையான வாக்கு வங்கி உள்ளது. காங்கிரஸ் கட்சிக்கும் கணிசமான வாக்குகள் உள்ள தொகுதி. இம்முறை பாஜகவின் மூத்த தலைவர்களில் ஒருவரான நயினார் நாகேந்திரன் களம் காண்கிறார். இதனால் இதுவும் நட்சத்திர தொகுதியாகி உள்ளது. தாமிரபரணி பிறந்து பாய்ந்தோடும் தொகுதி. மேற்கு தொடர்ச்சியும் வங்க கடலும் சங்கமிக்கிற தொகுதி. பெரும்பாலானவை கிராமப்புறங்கள்தான். பிரதான தொழில் விவசாயம், பீடித் தொழில். மழையை நம்பியே விவசாயம். தென் மாவட்டங்களில் திருநெல்வேலியும் தொழில் நகரமாக, தொழில் நுட்ப நகரமாக உருவெடுக்க வேண்டும் என்பது எதிர்பார்ப்பு.

English summary

Explore Tirunelveli Lok Sabha Constituency: Candidates, Assembly Constituencies, Voter Count, Past Results & Current Status. திருநெல்வேலி மக்களவைத் தொகுதி: வேட்பாளர்கள், சட்டமன்றத் தொகுதிகள், வாக்காளர் எண்ணிக்கை, தேர்தல் முடிவுகள் & தற்போதைய கள நிலவரம் பற்றி அறிய இந்த பக்கத்தை பார்க்கவும்.