பிரபல யூடியூபர் மதன் கௌரியை பார்த்ததுமே.. கடைசி நேரத்தில் "சர்ப்ரைஸ்" மெசேஜ்.. மலைத்த மன்னார்குடி

பிரபல யூடியூபர் மதன் கௌரியை காண மன்னார்குடியில் கூட்டம் கூடிவிட்டது

Updated: Friday, August 26, 2022, 16:31 [IST]

Subscribe to Oneindia Tamil

திருவாரூர்: பிரபல யூடியூபர் மதன் கௌரியின் திடீர் வருகை, மன்னார்குடி மக்களுக்கு சர்ப்ரைஸாக அமைந்துவிட்டது..!

ஃபேன்ஸ்

உலகில் நடந்த, நடக்கிற, நடக்கப் போகும் அனைத்து விஷயங்களை பற்றிய திரட்டி தருவதுடன், அவைகளை தன்னுடைய பேச்சாற்றலால் சுவாரஸ்யமாக சொல்வதிலேயே, 90'ஸ்களுக்கும் மதன் கௌரியை பிடித்துவிட்டது... அதிலும், குற்ற சம்பவங்களை மையமாக கொண்டு, இவர் வெளியிட்ட பல வீடியோக்கள், மில்லியன் பார்வையாளர்களை கடந்து செல்வது வழக்கம்.. இவருக்கு ஏராளமான ரசிகர் பட்டாளத்தில், இளைஞர்களே பெரும்பாலானவர்கள்..

கிரேஸ் + மேடி

அதிலும் கல்லூரி பெண்களுக்கு இவர் மீது தனிப்பட்ட கிரேஸ் உண்டு. கிட்டத்தட்ட, இணைய உலகின் மேடி என்று செல்லமாக இவருக்கு ஒரு பெயர் உள்ளதாம். தூத்துக்குடியை சேர்ந்த மதன் கௌரி, விட்டுச் சென்ற தன்னுடைய காதலிக்காக எடுத்த வீடியோ, திடீரென வைரலாகிவிட, யூடியூப் சேனலுக்கான விதை அங்கிருந்துதான் போடப்பட்டுள்ளது.. ஆனால் இத்தனை கோடி ரசிகர்களை மதன் பெற்றிருப்பதன் முக்கிய காரணமே அவரது அயராத உழைப்புதான்..

விசில்

இந்நிலையில் மதன் கௌரியின் வீடியோ ஒன்று இணையத்தில் வைரலாகி கொண்டிருக்கிறது.. ஆனால், அது மதன் கௌரி பதிவிட்ட வீடியோ இல்லை.. மன்னார்குடியில் புத்தக திருவிழா நடந்து வருகிறது.. இந்த புத்தக திருவிழாவில் மதன்கௌரி கலந்து கொண்டார்.. ஆரம்பத்தில் இந்த புத்தக விழாவுக்கு மதன்கௌரி வரப்போகிறார் என்று யாருக்குமே தெரியாது.. கடைசி நேரத்தில்தான், விஷயம் தீயாய் பரவியது.. அதற்குள் வாட்ஸ்அப்பிலும் மெசேஜ்கள் பரவிவிட்டது.. அடுத்த கொஞ்ச நேரத்திற்கெல்லாம் ரசிகர்கள், அந்த புத்தக திருவிழாவில் குவிந்து விட்டனர்..

சர்ப்ரைஸ் விசிட்

அவ்வளவு கூட்டத்தையும் கட்டுப்படுத்த முடியாமல் போய்விட்டது.. மாணவர்களே அதிக அளவில் திரண்டு வந்துவிட்டதால், அவர்களுடன் மதன்கௌரி கலந்துரையாடினார்.. அவர்களுடன் சிறிது நேரம் பேசி ஊக்கப்படுத்தும் கருத்துக்களை வலியுறுத்தினார்.. இதையடுத்து, நிகழ்ச்சி முடிந்ததும், மதன் கௌரியுடன் போட்டோ எடுக்க கூட்டத்தினர் ஆர்வத்துடன் முண்டியடித்தனர்.. அலைமோதிய ரசிகர் கூட்டத்துடன் செல்பி எடுத்துக்கொண்டார்.. வீடியோக்களை விடாமல் மாணவர்கள் எடுத்து கொண்டே இருந்ததுடன், அந்த அரங்கம் முழுவதும் விசில் சத்தம் பறந்து கொண்டே இருந்தது..!