வேட்டி கட்டி நடந்த ராகுல் காந்தி.. வீடியோ போட்டு கலாய்த்த பாஜக.. டிவிட்டரில் கடும் சண்டை!
திருப்பதி கோவிலுக்கு வேட்டி கட்டி நடந்து சென்ற காங்கிரஸ் தலைவர் ராகுல் காந்தியை பாஜக கட்சி கிண்டல் செய்து உள்ளது.
டெல்லி: திருப்பதி கோவிலுக்கு வேட்டி கட்டி நடந்து சென்ற காங்கிரஸ் தலைவர் ராகுல் காந்தியை பாஜக கட்சி கிண்டல் செய்து உள்ளது.
இதற்காக டிவிட்டரில் அவரின் வீடியோவை வெளியிட்டு பாஜக கிண்டல் செய்து உள்ளது. லோக்சபா தேர்தலுக்கான பிரச்சாரத்தை அனைத்து கட்சிகளும் தொடங்கிவிட்டது.
அதேபோல் வாய் சண்டையும், இணைய சண்டையும் தேர்தல் வருவதை அடுத்து அதிகமாகிவிட்டது. முக்கியமாக பாஜகவின் இணைய பிரிவு, காங்கிரஸ் தலைவர்களை மாறி மாறி விமர்சித்து வருகிறது.
ஆந்திராவில் ராகுல் காந்தி
ஆந்திர பிரதேசம் சென்ற காங்கிரஸ் தலைவர் ராகுல் காந்தி, அங்கு திருப்பதியில் வழிபாடு செய்தார். மேல் திருப்பதிக்கு நடந்தே சென்ற அவர் கோவிலில் வழிபாடு செய்த பின் பிரச்சாரம் செய்ய தொடங்கினார். திருப்பதியில் பிரச்சாரத்தில் பேசிய அவர், பாஜக மீது சரமாரி புகார்களை அடுக்கினார்.
வேட்டி கட்டி சென்றார்
திருப்பதி கோவிலுக்கு சென்ற ராகுல் காந்தி, தென்னிந்திய முறைப்படி வேட்டி கட்டி சென்றார். முதல்முறை வேட்டி கட்டிய அவர், கோவிலுக்குள் நடந்தே சென்றது குறிப்பிடத்தக்கது. இந்த நிலையில் இதைத்தான் தற்போது பாஜக கட்சி கலாய்த்து இருக்கிறது. இது குறித்து பாஜக தனது டிவிட்டரில் பக்கத்தில் டிவிட் செய்துள்ளது.
|
பாஜக டிவிட்
பாஜக தனது டிவிட்டில் ''நடக்க கஷ்டமாக இருக்கிறதா ராகுல் காந்தி? பாரம்பரிய இந்து உடையில் நடக்க உங்களுக்கு கஷ்டமாக இருக்கலாம், பாஜக ஆட்சிக்கு வருவதற்கு முன் இதை எல்லாம் நீங்கள் செய்திருந்தால் தானே. இது போன்று உடை உடுத்துவது நீங்கள் தேர்தல் நேரத்தில் மட்டுமே இந்துக்களை மதிப்பீர்கள் என்பதை காட்டுகிறது'' என்று கிண்டலாக குறிப்பிட்டு இருக்கிறது. பாஜகவின் இந்த டிவிட் பெரிய வைரலாகி உள்ளது.
பாஜக
பொதுவாக வடஇந்தியர்கள் யார் வேட்டி கட்டினாலும் அவர்களுக்கு நடக்க சிரமமாவே இருக்கும். தென்னிந்திய பாரம்பரிய உடைகள் அவர்களுக்கு பெரும்பாலும் சரியாக அணிய வராது. அதேபோல் பிரதமர் மோடியும் கூட சில வடகிழக்கு உடைகளை உடுத்தி இணையத்தில் கலாய்க்கப்பட்டார் என்பது குறிப்பிடத்தக்கது. அப்படி இருக்கும்பட்சத்தில் பாஜக ராகுல் காந்தியை கலாய்த்து இருப்பது குறிப்பிடத்தக்கது.