திருச்சியில் திமுக மாநாடு! 10 லட்சம் பேர் பங்கேற்பு! முக்கிய அறிவிப்புகளை வெளியிடுகிறாரா ஸ்டாலின்?

திருச்சி: திருச்சி சிறுகனூரில், 'ஸ்டாலின் தொடரட்டும் தமிழ்நாடு வெல்லட்டும்' எனும் பெயரில் திமுக மாநாடு இன்று (மார்ச் 9) நடைபெறுகிறது. 10 லட்சம் பேர் பங்கேற்கும் இந்த மாநாட்டில், முதல்வர் மு.க. ஸ்டாலின் புதிய அறிவிப்புகளை வெளியிடவிருக்கிறார்.

2026 சட்டமன்றத் தேர்தலுக்கு முன் நடக்கும் இம்மாநாடு, திமுகவுக்கு ஒரு திருப்புமுனையாக அமையும் என எதிர்பார்க்கப்படுகிறது.

மாநாடு பிற்பகல் 3 மணிக்குத் தொடங்கும். திரைப்பட இசையமைப்பாளர் தேவா மற்றும் இசைக் கலைஞர் அப்துல் குத்தூஸின் இசை நிகழ்ச்சிகள் நடைபெறும். மாலை 5.30 மணிக்கு மாநாட்டு திடலுக்கு வரும் முதல்வர் மு.க. ஸ்டாலின், பிரம்மாண்ட கொடிக் கம்பத்தில் கட்சிக்கொடியை ஏற்றி, தொண்டர்களின் வரவேற்பைப் பெற்றுக் கொண்டு மேடைக்குச் செல்வார்.

மாநாட்டிற்காக 20 லட்சம் சதுர அடி பரப்பளவில் அரங்குகள் அமைக்கப்பட்டுள்ளன. 3 லட்சம் பேர் அமரவும், 7 லட்சம் பேர் நின்று மாநாட்டை காணவும் வசதிகள் செய்யப்பட்டுள்ளன.

பங்கேற்பாளர்களுக்கு குடிநீர், வாகன நிறுத்தம் உள்ளிட்ட அனைத்து அடிப்படை வசதிகளும் செய்யப்பட்டுள்ளன. 5 ஆண்டுகளுக்கு முன் (2021) இதே சிறுகனூர் அரங்கில் திமுக தேர்தல் சிறப்பு மாநாடும் நடைபெற்றது குறிப்பிடத்தக்கது.

இந்த திமுக மாநாட்டில் முதல்வர் ஸ்டாலின் புதிய அறிவிப்புகளை வெளியிடுவார் என சொல்லப்படுகிறது.

English summary

The Dravida Munnetra Kazhagam (DMK) is holding a massive conference titled “Stalin Thodarattum, Tamil Nadu Vellattum” at Siruganur near Tiruchirappalli on March 9.