முதல்வர் முதல் அமைச்சர்கள் வரை கிழி கிழியென கிழித்த அஜிதா.. தவெக டோட்டல் டேமேஜ்
தூத்துக்குடி சட்டமன்றத்தில் திமுக தலைவர் மு.க. ஸ்டாலின் குறித்து முதலமைச்சர் விஜய் வைத்த விமர்சனம் சர்ச்சையானது. மிசா குறித்து அவர் கூறிய கருத்துக்கு எதிர்ப்பு தெரிவித்து தமிழ்நாடு முழுவதும் திமுக கண்டன ஆர்ப்பாட்டம் நடத்தினர். தூத்துக்குடியில் நடந்த போராட்டத்தில் தவெக முன்னாள் நிர்வாகியும், தற்போதைய திமுக நிர்வாகியுமான அஜிதா விஜய் மற்றும் அமைச்சர்கள் குறித்து கடுமையாக விமர்சித்துள்ளார்.
தூத்துக்குடியில் தவெக, முதலமைச்சர் விஜயை கண்டித்து திமுக நடத்திய போராட்டத்தில் பேசிய அஜிதா, "ஜனவரி 31 1976 ஆம் ஆண்டு அவசர கால சட்டம் கொண்டு வரப்பட்டது. அவசர சட்டத்தை பயன்படுத்தி திமுக ஆட்சி கலைக்கப்பட்டது. பிப்ரவரி 1 ஆம் தேதி தலைவர் ஸ்டாலினை கைது செய்தனர். உச்ச நீதிமன்றமே சென்றாலும் விடுவிக்க முடியாதளவுக்கு கடுமையான சட்டப்பிரிவு அது. காரணமே இல்லாமல் கைது செய்யும் நடவடிக்கை இது. அவர்கள் முடிவு செய்துவிட்டால் யாராக இருந்தாலும் கைது செய்வது கைது செய்வது தான்.
எங்கே போனீங்க சிஎம்
ஒரு 10க்கு 10 ரூமில் அடைத்து எவ்வளவு சித்திரவதை அனுபவித்தேன் என்று நம் தலைவர் கூறினார். தாடை உடைபட்டு அவரோட இருந்தவர்கள் மரணித்து ஒரு வருடம் கொடுமையை அனுபவித்தார். அப்படிப்பட்ட தலைவரையும், கட்சியையும் கொச்சைப்படுத்துகின்றனர். ஆளுங்கட்சி நம் தலைவரை கலங்கப்படுத்துகிறது. சிறைவாசம், போராட்டம் என்றால் என்னவென்றே அவர்களுக்கு தெரியாது.
கரூர் கூட்ட நெரிசலில் 41 மக்களை பலி கொடுத்தபோது, இதே சிஎம் சார் எங்கே போனார். அமைச்சர்கள் எல்லாம் ஓடி ஒளிந்தனர். அமைச்சர்களின் எண்களே ஸ்விட்ச் ஆப் செய்யப்பட்டது. அவர்கள் எத்தனை நாட்கள் காணாமல் போனார்கள். உங்களை நம்பி வந்த அத்தனை மக்கள் செத்து மடிந்தனர். அன்றைக்கு எதுவும் பேசாமல் ஓடிப்போனார்கள். விவசாய நண்பன் என்று வாய கிழிய பேசுகிறார்கள். அவர்களுக்காக பேச ஆட்கள் இல்லை.
மக்கள் நண்பன் இல்லை
மீனவ நண்பன் என்று கூறினார். பட்டினப்பாக்கத்தில் ரூ.1,200 கோடியில் தலைமை செயலகம் கட்டுகிறார்கள். அவர் விவசாய நண்பனும் இல்லை, மீனவ நண்பனும் இல்லை. மக்கள் நண்பனும் இல்லை. அந்தளவுக்கு விலைவாசி உயர்ந்துள்ளது. ஒன்றுமே தெரியாமல் ரீல்ஸ் மட்டும் போடும் அமைச்சர்கள், சட்டமன்ற உறுப்பினர்களை கொண்டு சட்டசபை நிகழ்ந்து கொண்டிருக்கிறது. வெறும் காகிதம் மட்டும் தான்.
அதில் டேக் ஆக்ஷன் என்றிருக்கும். அது முடிந்தவுடன் வீட்டுக்கு செல்கின்றனர். இதுதான் தவெக. திமுக மட்டும் தான் மக்களோடு மக்களாக நின்று குரல் கொடுக்கிறது. எத்தனை நடிகர்கள் வந்தாலும், சட்டசபையில் எத்தனை பேர் பேசினாலும் இந்த கட்சியை எதுவும் செய்ய முடியாது. நம் தலைவர் எத்தனை தடா, மிசா சட்டத்தை கடந்து நிற்கிறார். இலவச மின்சாரம் கொடுத்த ஒரே தலைவர் கலைஞர் மட்டம் தான். தொழிற்புரட்சியை உருவாக்கினார்" என்றார்.
Click it and Unblock the Notifications
Sign in with Google
