கிருஷ்ணசாமிக்கு ஏமாற்றம் தந்த ஒட்டப்பிராம்.. தவெக வேட்பாளர் மதன்ராஜா வெற்றி உறுதியாகிறது
தூத்துக்குடி: தூத்துக்குடி மாவட்டத்தின் பெரிய தொகுதிகளில் ஒன்றான ஒட்டப்பிடாரம் (தனி) தொகுதியில் தவெக வேட்பாளர் மதன்ராஜா சுமார் 26 ஆயிரத்து 232 வாக்குகள் அதிகம் பெற்று வெற்றியின் விளிம்பில் இருக்கிறார். அவரை எதிர்த்து போட்டியிட்ட திமுக வேட்பாளர் 49 ஆயிரத்து 264 வாக்குகள் பெற்றுள்ளார். இங்கு அமமுக 24 ஆயிரத்து 353 வாக்குகளும், நாம் தமிழர் கட்சி 16 ஆயிரத்து 67 வாக்குகளும் பெற்றுள்ளன. புதிய தமிழகம் கட்சி தலைவர் டாக்டர் கிருஷ்ணசாமி 14 ஆயிரத்து 965 வாக்குகள் பெற்று ஐந்தாம் இடத்தை பிடித்துள்ளார்.
ஒட்டபிடாரம் தொகுதியை பொறுத்தவரை ஒரு இடைத்தேர்தல் உள்ளிட்ட 15 தேர்தல்களை கண்டுள்ள ஓட்டப்பிடாரம் தொகுதியில் சுதந்திரா கட்சி, பார்வார்டு பிளாக், இந்திய கம்யூனிஸ்ட் கட்சிகள் தலா ஒருமுறை வென்றுள்ளன. 2 முறை புதிய தமிழகம் கட்சி தலைவர் டாக்டர் கே.கிருஷ்ணசாமி வெற்றி பெற்றுள்ளார். காங்கிரஸ் மற்றும் திமுக தலா 3 முறை வெற்றி பெற்றுள்ளன. 4 முறை அதிமுக வென்று இருந்தது.
2026 தேர்தலில் இத்தொகுதியில் பதிவான வாக்கு சதவீதம் சுமார் 79.39% ஆகும் (இது முந்தைய தேர்தலை விட 9% அதிகம் என்பதால் யார் ஜெயிப்பார்கள் என்ற எதிர்பார்ப்பு அதிகமாகவே இருந்தது. இந்நிலையில் தமிழ்நாடு முழுவதும் டிரெண்ட தவெகவிற்கு சாதகமாக இருந்த நிலையில், ஒட்டப்பிடாரம் தொகுதியில் புதிய தமிழகம் கட்சி தலைவர் கிருஷ்ணசாமிக்கு ஆரம்பத்தில சாதகமாக இருந்தது.
நேரம் செல்ல செல்ல முடிவுகள் மாறியது.இது வரை 21 சுற்று வாக்குகள் எண்ணப்பட்டுள்ளன. இதில் தவெக வேட்பாளர் மதன்ராஜா 75 ஆயிரத்து 496 வாக்குகள் பெறறுள்ளார். இவர் திமுக வேட்பாளரை விட சுமார் 26 ஆயிரத்து 232 வாக்குகள் அதிகம் பெற்று வெற்றியின் விளிம்பில் இருக்கிறார். அவரை எதிர்த்து போட்டியிட்ட திமுக வேட்பாளர் 49 ஆயிரத்து 264 வாக்குகள் பெற்றுள்ளார்.
இங்கு அமமுக 24 ஆயிரத்து 353 வாக்குகளும், நாம் தமிழர் கட்சி 16 ஆயிரத்து 67 வாக்குகளும் பெற்றுள்ளன. புதிய தமிழகம் கட்சி தலைவர் டாக்டர் கிருஷ்ணசாமி 14 ஆயிரத்து 965 வாக்குகள் பெற்று ஐந்தாம் இடத்தை பிடித்துள்ளார். இதன் மூலம் தவெக வேட்பாளர் இங்கு வெற்றி பெறுவது உறுதியாகி உள்ளது.
Click it and Unblock the Notifications
Sign in with Google