தூத்துக்குடி லோக்சபா தொகுதி: 5-வது முறையாக திமுக கொடியை பறக்க விடுவாரா கனிமொழி கருணாநிதி?
தூத்துக்குடி: திமுகவின் துணைப் பொதுச்செயலாளரும் மறைந்த முன்னாள் முதல்வர் கருணாநிதியின் மகளும் சிட்டிங் எம்பியுமான கனிமொழி மீண்டும் போட்டியிடும் தொகுதி என்பதால் நட்சத்திர தொகுதி.
தூத்துக்குடி லோக்சபா தொகுதிக்குட்பட்ட சட்டசபை தொகுதிகள்: விளாத்திகுளம், தூத்துக்குடி, திருச்செந்தூர், திருவைகுண்டம், ஓட்டப்பிடாரம் (தனி), கோவில்பட்டி.
தூத்துக்குடி லோக்சபா தொகுதி மொத்த வாக்காளர்கள்: 14,48,159; ஆண்கள்- 7,08,234; பெண்கள்- 7,39,710; 3-ம் பாலினத்தவர்- 215
2009-ம் ஆண்டு தேர்தல் முடிவுகள்
எஸ். ஆர். ஜெயதுரை(திமுக) 3,11,017
சிந்தியா பாண்டியன்(அதிமுக) 2,34,368
சுந்தர்(தேமுதிக) 61,403
சரவணன்(பாஜக) 27,013
2014-ம் ஆண்டு தேர்தல் முடிவுகள்
ஜெயசிங் தியாகராஜ் நாட்டர்ஜி(அதிமுக) 3,66,052
பி. ஜெகன்(திமுக) 2,42,050
எஸ். ஜோயல்(மதிமுக) 1,82,191
சண்முகம்(காங்கிரஸ்) 63,080
2019-ம் ஆண்டு தேர்தல் முடிவுகள்
கனிமொழி(திமுக) 5,63,143
தமிழிசை சௌந்தரராஜன்(பாஜக) 2,15,934
எம். புவனேஷ்வரன்(அமமுக) 76,866
கிறிஸ்டண்டைன் ராஜசேகர்(நாம் தமிழர் கட்சி) 49,222
பொன் குமரன்(மக்கள் நீதி மய்யம்) 25,702
2024-ம் ஆண்டு களத்தில் நிற்பவர்கள்
கனிமொழி (திமுக)
சிவசாமி வேலுமணி (அதிமுக)
விஜயசீலன் (தமாகா- பாஜக)
ரெவினா ரூத் ஜேன் (நாம் தமிழர் கட்சி)
தூத்துக்குடி களநிலவரம் என்ன?: 6 முறை காங்கிரஸ் வென்ற தொகுதி. காங்கிரஸ் கட்சிக்கு கணிசமான வாக்குகள் உள்ள தொகுதி. 4 முறை திமுக வென்ற தொகுதி. மறைந்த முன்னாள் முதல்வர் கருணாநிதியின் மகள் கனிமொழி கருணாநிதி, 2019-ல் தூத்துக்குடியில் போட்டியிட்டு அபார வெற்றி பெற்றார். சிட்டிங் எம்பியான கனிமொழி மீண்டும் இத்தேர்தலில் களம் காண்பதால் நட்சத்திர தொகுதியாகும். அதிமுக 2 முறை மட்டுமே வென்ற தொகுதி. சென்னைக்கு அடுத்த துறைமுக நகரம் தூத்துக்குடி. சென்னை, கோவையைப் போல தொழில் நகரம். கிராமப்புறங்களை அதிகம் கொண்ட தொகுதியாகவும் விவசாயம் முதன்மையானதாகவும் இருக்கிறது. தாமிரபரணி நதி பாசனம் முக்கியம். உப்பளத் தொழிலில் குஜராத்துக்கு அடுத்தபடியாக கொடிகட்டிப் பறக்கிறது தூத்துக்குடி. சுற்றுச் சூழல் பிரச்சனைகள், கூடுதலான அடிப்படை கட்டமைப்பு வசதிகள் உள்ளிட்டவை தூத்துக்குடி தொகுதி மக்களின் எதிர்பார்ப்பு.
Click it and Unblock the Notifications
Sign in with Google