தூத்துக்குடியில் அதிமுக - தமாகாவை ஓடவிடும் திமுக! மீண்டும் கனிமொழிக்கு வெற்றி - தந்தி டிவி ரிசல்ட்

Updated: Saturday, June 1, 2024, 19:51 [IST]

Subscribe to Oneindia Tamil

தூத்துக்குடி: தமிழகத்தில் உள்ள முக்கிய லோக்சபா தொகுதியான தூத்துக்குடியில் மீண்டும் கனிமொழி வெற்றி பெறுவார். இங்கு இரண்டாவது இடத்தை அதிமுக வேட்பாளர் அதிமுக வேட்பாளர் சிவசாமி வேலுமணி பெறுவார் எனவும், பாஜக கூட்டணியின் தமாகா வேட்பாளர் 3இடம் பிடிப்பார் எனவும், அவர்கள் பெறும் ஓட்டு சதவீதம் பற்றியும் தந்தி டிவியின் தேர்தலுக்கு பிந்தைய கருத்து கணிப்பில் தெரிவிக்கப்பட்டுள்ளது.

நம் நாட்டில் மொத்தம் 543 லோக்சபா தொகுதிகள் உள்ளன. இதில் மத்தியில் ஒரு கட்சி தனித்து ஆட்சியை பிடிக்க வேண்டும் என்றால் 272 தொகுதிகளில் வெற்றி பெற வேண்டும். இந்நிலையில் தான் 7 கட்டங்களாக லோக்சபா தேர்தல் அறிவிக்கப்பட்டது.

Lok Sabha election 2024 Tuticorin Kanimozhi DMK

முதற்கட்டமாக கடந்த ஏப்ரல் 19ம் தேதி லோக்சபா தேர்தல் நடந்தது. இதில் தமிழ்நாட்டில் உள்ள 39 தொகுதிகள் மற்றும் புதுச்சேரியில் உள்ள ஒரு தொகுதிக்கு அன்றைய தினம் ஓட்டுப்பதிவு நடந்தது. அதன்பிறகு 6 கட்டங்களாக தேர்தல் நடந்து முடிந்தது. இன்று 7 வது மற்றும் கடைசி கட்ட தேர்தல் நடந்து முடிந்துள்ளது.

இதில் பதிவாகி உள்ள ஓட்டுகள் ஜுன் 4ம் தேதி எண்ணப்பட்டு முடிவுகள் அறிவிக்கப்பட உள்ளது. அன்றைய தினம் மத்தியில் ஆட்சி மாற்றம் ஏற்படுகிறதா? இல்லாவிட்டால் மீண்டும் பாஜக ஆட்சியை தொடர்கிறதா? என்பது தெரிந்துவிடும். இந்நிலையில் தான் இன்று லோக்சபா தேர்தல் முடிவடைந்த நிலையில் தேர்தலுக்கு பிந்தைய பல்வேறு கருத்து கணிப்பு முடிவுகள் வெளியாகி வருகின்றன.

தூத்துக்குடி தொகுதியை பொறுத்தமட்டில் திமுக சார்பில் கனிமொழி எம்பி போட்டியிட்டுள்ளார். அதிமுக சார்பில் சிவசாமி வேலுமணி, பாஜக கூட்டணியில் தமிழ் மாநில காங்கிரஸ் கட்சியின் வேட்பாளர் எஸ்டிஆர் விஜயசீலன், நாம் தமிழர் சார்பில் ரொவினா ரூத் ஆகியோர் போட்டியிட்டுள்ளனர்.

இதில் தூத்துக்குடி தொகுதியில் மீண்டும் திமுகவின் கனிமொழி எம்பிக்கு வெற்றி வாய்ப்பு உள்ளதாக தந்தி டிவி கருத்து கணிப்பில் தெரிவிக்கப்பட்டுள்ளது. லோக்சபா தேர்தலுக்கு பிந்தைய தந்தி டிவியின் கருத்து கணிப்பு முடிவு இன்று வெளியான நிலையில் அதில் கனிமொழி எம்பிக்கு சாதகமான அம்சம் இடம் பெற்றுள்ளது. மேலும் கனிமொழி எம்பிக்கு தூத்துக்குடி தொகுதியில் 44 சதவீத ஓட்டு கிடைக்காலம் என தெரிவிக்கப்பட்டுள்ளது.

இதற்கு அடுத்தப்படியாக தூத்துக்குடியில் அதிமுக வேட்பாளர் சிவசாமி வேலுமணிக்கு 29 சதவீத ஓட்டு கிடைக்கும் எனவும், பாஜக கூட்டணி தமாக வேட்பாளர் விஜயசீலன் 13 சதவீத வாக்குகளை பெறுவார் என தந்தி டிவியின் தேர்தலுக்கு பிந்தைய கருத்து கணிப்பில் கூறப்பட்டுள்ளது.