கதிர் ஆனந்த் சொத்துக்கள் இவ்வளவுதான்.. கையிருப்பும் இதுவே.. இதோ சொத்துக் கணக்கு!
கதிர்ஆனந்த் தன்னுடைய சொத்து விவரங்களை தாக்கல் செய்துள்ளார்
வேலூர்: கதிர்ஆனந்த் ஆபீஸ், காலேஜ்களில் கத்தை கத்தையாக, மூட்டை மூட்டையாக பணத்தை அள்ளி கொண்டு போனார்கள் அதிகாரிகள் என்று செய்தி வந்தநிலையில், தனக்கு இவ்வளவுதான் சொத்து இருக்கிறது என்று மொத்த கணக்கையும் தெரிவித்துள்ளார் கதிர்ஆனந்த்!
வேலூர் தொகுதியில் திமுக வேட்பாளராக களம் இறங்குகிறார் கதிர் ஆனந்த். தன் பேரிலும், மனைவி சங்கீதா, மகள்கள் செந்தாமரை, இலக்கியா, மகன் இளவரசன் ஆகியோரது பெயர்களிலும் மொத்தம் ரூ.58 கோடியே 75 லட்சத்து 79 ஆயிரத்து 451 மதிப்பில் அசையும், அசையா சொத்துக்கள் இருப்பதாக அவரது வேட்பு மனுவில் குறிப்பிடப்பட்டுள்ளது.
தன்னிடம் கையிருப்பாக பணம் ரூ.19 லட்சத்து 30 ஆயிரமும், சங்கீதாவுக்கு ரூ.8 லட்சத்து 83 ஆயிரத்து 879 ரூபாயும் உள்ளதாக கூறியுள்ளார்.
ரூ.26 கோடியே 81 லட்சத்து 25 ஆயிரத்து 618 மதிப்பு அசையா சொத்துக்கள் தன் பெயரிலும், ரூ.14 கோடியே 12 லட்சத்து 64 ஆயிரத்து 661 மதிப்பு அசையா சொத்துக்கள் மனைவி பெயரிலும் இருப்பதாக கூறியுள்ளார். மனைவி பெயரில் மட்டும் ரூ.33 லட்சத்து 7 ஆயிரத்து 588 மதிப்பிலான கடன் உள்ளதாக தெரிவித்துள்ளார்.
கடந்த மார்ச் மாதம் தாக்கல் செய்திருந்த வேட்புமனுவில், மொத்தம் சொத்து, ரூ.57 கோடியே 24 லட்சத்து 94 ஆயிரத்து 163 மதிப்பில் இருப்பதாக தெரிவித்திருந்த நிலையில், ரூ.58 கோடியே 75 லட்சத்து 79 ஆயிரத்து 451 மதிப்பில் சொத்துக்கள் உள்ளதாக கூறப்பட்டுள்ளது. அதாவது இந்த 3 மாசத்தில் ரூ.1 கோடியே 50 லட்சத்து 80 ஆயிரத்து 288 உயர்ந்திருப்பது குறிப்பிடத்தக்கது.
Click it and Unblock the Notifications
Sign in with Google