காலை வாரிய காட்பாடி! துரைமுருகன் கடும் அப்செட்.. மொத்தமா முடியப்போகுது!

வேலூர்: சட்டமன்ற தேர்தலில் பதிவான வாக்குகள் எண்ணப்பட்டு வருகின்றன. இந்நிலையில் பெரும்பாலான இடங்களில் விஜய்யின் தமிழக வெற்றிக் கழகம்தான் முன்னிலையில் இருக்கிறது. குறிப்பாக திமுக பொதுச்செயலாளரும் மூத்த அமைச்சருமான துரைமுருகன் போட்டியிட்ட காட்பாடி தொகுதியில் அவர் பின்னடைவை சந்தித்திருக்கிறார்.

காட்பாடி தொகுதியில் துரைமுருகன் 8 முறை (1971, 1989, 1996, 2001, 2006, 2011, 2016, 2021) வெற்றி பெற்றுள்ளார். கடந்த தேர்தலில் துரைமுருகன் வெறும் 746 வாக்குகள் வித்தியாசத்தில் மிகக் கடினமாகப் போராடி அதிமுக-வின் வி. ராமுவை வீழ்த்தினார்.

இந்த தொகதியை பொறுத்தவரை, சுமார் 2.4 லட்சம் வாக்காளர்கள் உள்ளனர். இதில் முதலியார், வன்னியர் மற்றும் தலித் சமூக மக்களின் வாக்குகள் வெற்றியைத் தீர்மானிக்கும் சக்தியாக உள்ளன. பாலாறு தடுப்பணை விவகாரம், போக்குவரத்து நெரிசல் மற்றும் காட்பாடி ரயில்வே மேம்பாலப் பணிகள் போன்றவை இத்தொகுதியின் நீண்டகால கோரிக்கைகளாக உள்ளன.

இந்நிலையில் வாக்கு எண்ணிக்கையில் காலை 10 மணி நிலவரப்படி

• அதிமுக வி.ராமு - 3831
• திமுக துரைமுருகன் - 2657
• தவெக சுதாகர் - 2453

வாக்குகளை பெற்றிருக்கிறார்கள். தற்போதைய நிலவரப்படி அதிமுக வேட்பாளர் ராமு முன்னிலையில் இருக்கிறார். கடந்த 6 முறை தொடர்ச்சியாக ஜெயித்து வந்த துரைமுருகனுக்கு இந்த முறை மக்கள் செக் வைத்திருக்கிறார்கள். இந்த தொகுதியில் பின்னடைவு, அதுவும் துரைமுருகன் பின்னடைவு என்பது திமுகவினரை அதிர்ச்சியடைய செய்திருக்கிறது.

English summary

Katpadi: The votes cast in the Assembly elections are currently being counted. As of now, Vijay's Tamizhaga Vettri Kazhagam is leading in most constituencies. Notably, Duraimurugan—the General Secretary of the DMK and a senior cabinet minister—is trailing in the Katpadi constituency, where he contested.