அமைச்சர் ஆர் காந்திக்கு திடீர் உடல்நலக்குறைவு.. வேலூர் மருத்துவமனையில் அனுமதி - சிகிச்சை
வேலூர்: தமிழக கைத்தறி மற்றும் துணி நூல் துறையின் அமைச்சர் ஆர் காந்தி திடீரென்று உடல்நலக்குறைவால் பாதிக்கப்பட்டுள்ளார். இதையடுத்து அவர் வேலூரில் உள்ள சிஎம்சி மருத்துவமனையில் அனுமதிக்கப்பட்டுள்ளார்.
முதல்வர் ஸ்டாலின் அமைச்சரவையில் அமைச்சராக இருப்பவர் ஆர் காந்தி. இவர் தமிழ்நாடு கைத்தறி மற்றும் துணி நூல் துறையின் அமைச்சராக செயல்பட்டு வருகிறார்.
இந்நிலையில் தான் அமைச்சர் ஆர் காந்தி திடீரென்று வேலூரில் உள்ள சிஎம்சி மருத்துவமனையில் அனுமதிக்கப்பட்டுள்ளார். திடீரென்று உடல் நலக்குறைவு ஏற்பட்டதால் அவர் மருத்துவமனையில் அனுமதிக்கப்பட்டுள்ளார்.
மருத்துவமனையில் அமைச்சர் ஆர் காந்திக்கு டாக்டர்கள் சிகிச்சை அளித்து வருகின்றனர். இதனால் அவரது ஆதரவாளர்கள் அதிர்ச்சியடைந்துள்ளனர். இருப்பினும் அவர் தற்போது நலமாக இருக்கிறார். விரைவில் அவர் குணமடைந்து வீடு திரும்ப வேண்டும் என அவரது ஆதரவாளர்கள் எதிர்பார்த்துள்ளனர். இருப்பினும் அமைச்சர் ஆர் காந்தி எந்த மாதிரியான உடல்நல பிரச்சனையை எதிர்கொண்டார்? என்பது தெரியவில்லை.
அமைச்சர் ஆர் காந்தி திமுகவில் உள்ள மூத்த தலைவர்களில் ஒருவர் ஆவார். ராணிப்பேட்டை சட்டசபை தொகுதியின் எம்எல்ஏவாக உள்ளார். கடந்த 1996, 2006, 2011, 2016, 2021 ஆகிய சட்டசபை தேர்தல்களில் ராணிப்பேட்டை தொகுதியில் போட்டியிட்டு வெற்றி பெற்றவர் என்பது இங்கு குறிப்பிடத்தக்கது.
Click it and Unblock the Notifications
Sign in with Google