மத்திய அமைச்சர் அமித்ஷா ஜூன் 8-ல் தமிழ்நாடு வருகை! பாஜக அரசின் சாதனை விளக்க கூட்டத்தில் பங்கேற்பு!
வேலூர்: மத்திய அமைச்சர் அமித்ஷா வரும் 8-ந் தேதி தமிழ்நாடு வருகை தருகிறார். மத்தியில் ஆளும் பாஜக அரசின் சாதனை விளக்க பொதுக் கூட்டத்தில் மத்திய அமைச்சர் அமித்ஷா பங்கேற்று உரையாற்றுகிறார். இதற்கான ஏற்பாடுகளை தமிழ்நாடு பாஜக நிர்வாகிகள் தீவிரமாக மேற்கொண்டு வருகின்றனர்.
மத்தியில் பிரதமர் மோடி தலைமையிலான பாஜக ஆட்சி அமைந்து 9 ஆண்டுகள் நிறைவடைந்துள்ளது. இந்த 9 ஆண்டுகால சாதனையை விளக்கும் வகையில் மே 30 முதல் ஜூன் 30 வரை நாடு முழுவதும் பொதுக் கூட்டங்களை நடத்தி வருகிறது பாஜக.
தமிழ்நாட்டிலும் மத்திய பாஜக அரசின் சாதனை விளக்க பொதுக் கூட்டங்கள் நடத்த முடிவு செய்யப்பட்டுள்ளது. இதன் ஒரு பகுதியாக வேலூரில் வரும் 8-ந் தேதி பாஜக பொதுக் கூட்டம் நடைபெறுகிறது. இந்தக் கூட்டத்தில் மத்திய அமைச்சர்கள் அமித்ஷா, விகே சிங் பங்கேற்க உள்ளனர்.
மத்திய அமைச்சர்கள் பங்கேற்கும் பொதுக் கூட்ட இடத்தை டெல்லியில் இருந்து வந்த அதிகாரிகளும் ஆய்வு செய்தனர். தமிழ்நாடு பாஜக தலைவர்களும் இந்தப் பொதுக்கூட்டத்துக்கான ஏற்பாடுகளை மேற்கொண்டு வருகின்றனர்.
Click it and Unblock the Notifications
Sign in with Google