வேலூரில் நள்ளிரவில் என்னப்பா அங்க சத்தம்.. பட்டா கத்தியுடன்.. நடுரோட்டில் என்ன ஒரு கொண்டாட்டம்!

Updated: Thursday, July 13, 2023, 14:54 [IST]

Subscribe to Oneindia Tamil

வேலூர்: வேலூர் மாவட்டம் காட்பாடி அருகே நடுரோட்டில் பைக்குகள் மீது கேக் வைத்து பட்டா கத்தியுடன் பிறந்தநாள் கொண்டாடிய வீடியோ வெளியாகி உள்ளது. இந்த சம்பவம் வேலூர் பகுதியில் பரபரப்பை ஏற்படுத்தி உள்ளது.

வேலூர் மாவட்டம் காட்பாடி அடுத்த ஓடத்தியார் கோவில் அருகே (வேலூர் -சித்தூர் சாலையில்) நேற்று நள்ளிரவு யமஹா பைக்கை நிறுத்திவிட்டு அதன் மீது பிறந்த நாள் கேக்கை வைத்து, அதில் பெரிய பட்டா கத்தியை வைத்து வெட்டி பிறந்த நாள் கொண்டாடி உள்ளனர்.

Youths celebrate their birthdays with Patta Kathi in Vellore katpadi

அத்துடன் பிறந்த நாள் கொண்டாடிய பூவரசன் என்ற இளைஞருக்கு ஆள் உயர பூமாலை அணுவித்துள்ளனர்.சரவெடிகள் வெடித்து நடுரோட்டில் கொண்டாட்டத்தில் ஈடுபட்டுள்ளார்கள் இளைஞர்கள் சிலர்.

வேலூர் சித்தூர் சாலை மிகவும் பரபரப்பான சாலையாகும். சாலையோரம் நள்ளிரவில் பைக்குகளை நிறுத்தி பட்டா கத்தியில் கேக் வெட்டி பட்டாசு வெடித்து கொண்டாடிய சம்பவம் அப்பகுதியில் பரபரப்பை ஏற்படுத்தி உள்ளது.

இந்த சம்பவத்தை அந்த நேரத்தில் சாலைகளில் சென்ற பயணிகள் மற்றும் பாதசாரிகள் வீடியோ எடுத்தனர். நடுரோட்டில் பட்டா கத்தியுடன் கேக் வெட்டியது அச்சத்தை ஏற்படுத்தி உள்ளது.

பொதுவாக பட்டா கத்தியில் கேக் வெட்டி பிறந்த நாள் கொண்டாடுவது குற்றம் ஆகும். பட்டா கத்தியில் பொதுமக்களை அச்சுறுத்தும் வகையில் கொண்டாட்டத்தில் ஈடுபடுபவர்களை போலீசார் கடந்த காலங்களில் கைது செய்துள்ளனர். பட்டா கத்தியில் பிறந்த நாள் கொண்டாடிய ரவுடிகள் முதல் பொதுமக்கள் வரை பலர் போலீசாரால் கைது செய்யப்பட்டுள்ளனர்.

அரசியல் கட்சி தலைவர்கள் தான் , ஆள் உயர மாலை அணிந்து பட்டா கத்தியில் பிறந்த நாள் கொண்டாடும் கலாச்சாரத்தை தொடங்கி வைத்தனர். இது ரவுடிகள் தொடங்கி, இப்போது சாதாரண இளைஞர்கள் வரை பரவி விட்டது. பட்டா கத்தியுடன் அச்சுறுத்தும் வகையில் செயல்பட்ட இளைஞர்கள் கைது செய்யப்பட அதிக வாய்ப்பு உள்ளது.