நிர்வாகிகள் திடீர் மாற்றம்... ‘காரணகர்த்தா’ கலைராஜனை நீக்கக்கோரி அதிமுகவினர் ஆர்ப்பாட்டம்- வீடியோ

Published: Wednesday, September 7, 2016, 17:23 [IST]

Subscribe to Oneindia Tamil

சென்னை: தென் சென்னை வடக்கு மாவட்ட அதிமுக நிர்வாகிகள் சிலர் நேற்று முன்தினம் மாற்றப்பட்டனர். இதேபோல், அண்ணாநகர், தியாகராயநகர் பகுதி செயலாளர்களும், வட்ட செயலாளர்கள் பலரும் மாற்றப்பட்டு அவர்களுக்கு பதிலாக புதிய பகுதி செயலாளர்கள் நியமிக்கப்பட்டுள்ளனர். இதற்கு எதிர்ப்பு தெரிவித்து ஆயிரம் விளக்கு, தியாகராயநகர், அண்ணாநகர் மற்றும் சேப்பாக்கம்-திருவல்லிக்கேணி தொகுதியை சேர்ந்த நீக்கப்பட்டவர்களின் ஆதரவாளர்கள் முதல்வர் ஜெயலலிதாவை அவரது இல்லம் அமைந்துள்ள போயஸ் கார்டனில் சந்தித்து மனு கொடுக்க சென்றனர். ஆனால் அவர்களை நுழைவாயிலில் போலீசார் தடுத்து நிறுத்தி திருப்பி அனுப்பினர். இதனால் கட்சி அலுவலகத்தை முற்றுகையிட்ட அவர்கள், புதிய நிர்வாகிகளை பரிந்துரை செய்த மாவட்ட செயலாளர் வி.பி.கலைராஜனுக்கு எதிராக கண்டன கோஷங்களை எழுப்பி ஆர்ப்பாட்டத்தில் ஈடுபட்டனர்.

வீடியோ:

Published On September 7, 2016