ஹெல்மெட் சோதனை... சென்னையில் போலீசார் துரத்தியதில் விபத்து... 3 பேர் படுகாயம்- வீடியோ

சென்னை: சென்னை ஐகோர்ட்டு உத்தரவையடுத்து, 'ஹெல்மெட்' அணியாமல் வாகனம் ஓட்டும் இரு சக்கர வாகன ஓட்டிகளை போக்குவரத்து போலீசார் சிக்னலுக்கு சிக்னல் மடக்கிப்பிடித்து வழக்குப்பதிவு செய்கிறார்கள். பின்னர் வாகன ஓட்டிகளை நடமாடும் நீதிமன்றத்தில் ஆஜர்படுத்தி அபராதம் பெற்று தருகின்றனர். இந்நிலையில் நேற்று சென்னை மெரினா கடற்கரை சாலையில் 'ஹெல்மெட் அணியாமல்' வந்த கல்லூரி மாணவர்கள் 2 பேரை போலீசார் தடுத்த முயற்சித்தனர். அப்போது அவர்கள் நிலைதடுமாறி சாலையில் விழுந்து படுகாயமடைந்தனர். இதில் போக்குவரத்து போலீஸ் ஏட்டு ஒருவரின் காலும் முறிந்தது. காயமடைந்தவர்கள் உடனடியாக சிகிச்சைக்காக மருத்துவமனையில் அனுமதிக்கப்பட்டனர். பரபரப்பான காலை நேரத்தில் போக்குவரத்து போலீசாரால் ஏற்பட்ட இந்த விபத்தால் சக வாகன ஓட்டிகள் அதிர்ச்சி அடைந்தனர்.

English summary

Two college students on a bike and a traffic policeman were injured when the latter tried to intercept the duo on Kamarajar Salai for not wearing helmets. The bike hit the policemen and all three fell down.