2020ல் நடந்த சம்பவத்திற்கு பழி தீர்த்த டிரம்ப்.. கமலாவை காலை வாரிய மாகாணங்கள் எவை எவை?

வாஷிங்டன்: அமெரிக்க அதிபர் தேர்தலை பொறுத்தவரை மொத்தம் உள்ள 50 மாகாணங்களில் 538 தேர்வுக்குழு உறுப்பினர்கள் உள்ளனர். இதில் 270 பேரின் ஆதரவை யார் பெறுகிறார்களோ அவர்களே வெற்றி பெறுவார்கள். இதில் அதிக வாக்குகளை கொண்ட கலிபோர்னியா, டெக்சாஸ், ஃபளோரிடா, நியூயார்க், பென்சில்வேனியா ஆகியவை தான் வெற்றியை தீர்மானிக்கின்றன. இதில் 30 வாக்குகளை கொண்ட ஃபளோரிடாவில் டிரம்ப் வெற்றி பெற்றார். இதேபோல் 40 ஓட்டு உள்ள டெக்சாஸில் வென்றார்.

அமெரிக்காவை பொறுத்தவரை 4 ஆண்டுகளுக்கு ஒருமுறை அதிபர் பதவிக்கான தேர்தல் நடைபெறுவது வழக்கம். அந்த வகையில் கடந்த 2020ம் ஆண்டு நடந்த தேர்தலில் ஜனநாயக கட்சி சார்பில் போட்டியிட்ட ஜோ பைடன் வெற்றி பெற்றார். ஆனால் 2016 முதல் 2020 வரை அதிபராக இருந்த குடியரசுக் கட்சியின் டொனால்டு டிரம்ப் அப்போது மீண்டும் போட்டியிட்டு தோல்வியை தழுவினார். இந்நிலையில் டொனால்டு டிரம்ப் இரண்டாவது முறையாக வெற்றி பெற வேண்டும் என்று முடிவு செய்து குடியரசு கட்சி சார்பில் களம் இறங்கினார். ஜனநாயக கட்சி சார்பில் அதிபர் ஜோ பைடன் மீண்டும் போட்டியிடவில்லை.. அவருக்கு பதில் துணை அதிபர் கமலா ஹாரிஸ் களம் இறங்கி உள்ளார்.

அமெரிக்க அதிபர் தேர்தலை பொறுத்தவரை மொத்தம் உள்ள 50 மாகாணங்களில் 538 தேர்வுக்குழு உறுப்பினர்கள் உள்ளனர். இதில் 270 பேரின் ஆதரவை யார் பெறுகிறார்களோ அவர்களே வெற்றி பெறுவார்கள் என்ற நிலை இருந்தது. இதில் வெற்றியை தீர்மானிக்கும் மாகாணங்கள் என்றால், டெக்சாஸ், கலிபோர்னியா, ஃபளோரிடா, நியூயார்க், பென்சில்வேனியா ஆகியவை தான். இங்குதாள் அதிக உறுப்பினர்கள் தேர்வு செய்யப்படுவார்கள். உதாரணமாக அமெரிக்காவிலேயே அதிகபட்சமாக கலிபோர்னியா மாகாணத்தில் 54 எலக்ட்ரோல் வாக்குகள் உள்ளன. அதற்கு அடுத்தபடியாக டெக்சாஸ் மாகாணம் இருக்கிறது. இங்கு 40 எலக்ட்ரோல் வாக்குகள் உள்ளன. அடுத்ததாக ஃபளோரிடா மாகாணத்தில் 30 வாக்குகள் உள்ளன. இங்கு டிரம்ப் தான் வெற்றி பெற்றுள்ளார். கடந்த முறையும் இங்கு டிரம்ப் தான் வெற்றி பெற்றார். அடுத்ததாக பெரிய மாகாணம் என்றால் நியூயார்க் மாகாணம் தான். இங்கு மொத்தம் 28 வாக்குகள் உள்ளன. இதேபோல் பென்சில்வேனியாவில் 19 வாக்குகள் உள்ளன. இதுவும் வெற்றியை தீர்மானிக்கும் மாகாணம் ஆகும்.

கடந்த 2020 தேர்தலை எடுத்து பார்த்தால், 54 வாக்குகள் உள்ள கலிபோர்னியாவில் ஜோ பைடன் வெற்றி பெற்றார். 40 வாக்குகள் உள்ள டெக்சாஸில் டிரம்ப் வெற்றி பெற்றார். நியூயார்க் மாகாணத்தை பொறுத்தவரை 2020ம் ஆண்டு தேர்தலில் ஜோ பைடன் வெற்றி பெற்றார். இதேபோல் பென்சில்வேனியா மாகாணத்தை பொறுத்தவரை மொத்தம் 20 வாக்குகள் உள்ளன. கடந்த முறை இங்கு ஜோ பைடன் வெற்றி பெற்றார். கடந்த 2020ம் ஆண்டு அமெரிக்க அதிபர் தேர்தலில் ஜனநாயக கட்சி சார்பில் போட்டியிட்ட ஜோ பைடன் மொத்தம் 306 இடங்களில் வென்று ஆட்சியை பிடித்தார். ஆனால் டொனால்ட் டிரம்ப் 232 வாக்குகளை மட்டுமே பெற்று தோல்வியை தழுவினார்.

இந்நிலையில் இந்த முறையும் 2020ம் ஆண்டு நிலவரப்படியே வாக்கு எண்ணிக்கை முடிவுகள் இருந்தன. அதேநேரம் பாட்டில் நெக் மாகாணங்களில் ஒன்றான பென்சில்வேனியாவில் கடந்த முறை தோற்ற டிரம்ப் இந்த முறை வென்றுள்ளார். இதேபோல் அரிசோனா, மிக்சிகன், விஸ்கான்சின், நெவேடா, வடகரோலினா, ஜார்ஜியாவில் டிரம்பின் கை ஓங்கியது. இதுதான் கமலாவின் தோல்வி முகத்திற்கு காரணமாக மாறியது. தற்போதைய நிலவரப்படி, டொனால்ட் டிரம்ப் 267 இடங்களிலும், கமலா ஹாரிஸ் 224 இடங்களிலும் வென்று முன்னிலையில் இருக்கிறார்கள். வெறும் 3 இடங்களில் வென்றாலே டிரம்ப் அதிபர் ஆவார் என்பதால் , அவரது ஆதரவாளர்கள் வெற்றிக் கொண்டாட்டத்தில் இறங்கி உள்ளனர்.

English summary

A big challenge awaits Trump: Do you know the 2020 event in the states that will determine success in the United States?