உலகின் செல்வாக்கு மிகுந்தவர்கள்.. டைம் லிஸ்ட்! டிரம்ப், முகம்மது யூனுஸ்க்கு இடம்.. இந்தியர்கள் இல்லை
வாஷிங்டன்: சர்வதேச அளவில் பெரிய மாற்றங்களை ஏற்படுத்தியவர்கள், ஏற்படுத்த கூடியவர்கள், பிரபலங்கள் டாப் 100 பேரை ஒவ்வொரு ஆண்டும் பிரபல ஆங்கில பத்திரிக்கையான டைம் மேகசின் (TIME magazine) வெளியிட்டு வருகிறது. இந்த 2025 ஆண்டுக்கான உலகின் செல்வாக்கு மிகுந்த தலைவர்கள் லிஸ்டில் அமெரிக்க அதிபர் டிரம்ப், வங்கதேச தலைவர் முகம்மது யூனுஸ் இடம்பித்துள்ளனர். இந்த லிஸ்டில் இந்தியர்கள் யாரும் இடம்பெறவில்லை.
உலகில் செல்வாக்கு மிகுந்த நபர்களின் பட்டியலை அவ்வப்போது பிரபல ஆங்கில பத்திரிக்கையான டைம் மேகசின் வெளியிட்டு வருகிறது. சர்வதேச அளவில் பெரிய மாற்றங்களை ஏற்படுத்தியவர்கள், ஏற்படுத்த கூடியவர்கள், பிரபலங்கள் இதில் இடம்பெற்று இருப்பார்கள்.
எல்லா வருடமும் 100 பேர் மட்டுமே தேர்வு செய்யப்பட்டு இந்த பட்டியல் வெளியிடப்படும். சினிமா, மக்கள் பணி, அரசியல், விளையாட்டு என்று பல்வேறு துறைகளில் இருந்து முக்கிய நபர்களை தேர்வு செய்வார்கள் அந்த வகையில், 2025 -ஆம் ஆண்டில் செல்வாக்கு மிகுந்த நபர்களின் பட்டியலை டைம் வெளியிட்டுள்ளது.
இந்த பட்டியலில் அமெரிக்க அதிபர் டொனால்டு டிரம்ப், முகம்மது யூனுஸ், டெஸ்லா நிறுவன சி இ ஒ எலான் மஸ்க் உள்ளிட்டவர்கள் இடம் பெற்றுள்ளனர். கடந்த ஆண்டு ஷாக்சி மாலிக், பாலிவுட் நடிகர் ஆலியா பட் உள்ளிட்டவர்கள் இடம் பெற்று இருந்த நிலையில், இந்த ஆண்டில் இந்தியர்கள் யாரும் இடம் பெறவில்லை. டைம் இதழின் ஆண்டு பட்டியல் பல்வேறு கேட்டகிரிகளாக பிரிக்கப்பட்டுள்ளது.
தலைவர்கள், ஐகான்கள், டைடன்ஸ் என பல்வேறு வகையாக பிரிக்கப்பட்டு வகைப்படுத்தப்பட்டுள்ளது. அரசியல் தலைவர்களில் அமெரிக்க அதிபர் டிரம்ப், எலான் மஸ்க், மெக்சிகோ அதிபர் தேர்தலுக்கான ரேசில் முதலிடம் வகிக்கும் கிளவுடியா ஷெயின்பவும் ஆகியோர் இடம் பெற்றுள்ளனர். அதேபோல், ஜேடி வான்ஸ், ராபர்ட் கே ஃபென்னடி ஜேஆர், கீர் ஸ்டார்மர், ஜேவியர் மிலேய், டெட்ரோஸ் அதோனம், கேப்ரியேசுஸ், பிரைட்ரிச் மெர்ஸ் ஆகியோரும் இந்த லிஸ்டில் உள்ளனர்.
இந்திய வம்சாவளியை சேர்ந்தவரும் வெர்டெக்ஸ் பாராமெடிக்கல்ஸ் நிறுவனத்தி சி இ ஓவான ரேஷ்மா கேவல்ரமணியும் இந்த லிஸ்டில் இடம் பிடித்துள்ளார்.
Click it and Unblock the Notifications
Sign in with Google