நாயுடன் விளையாடிய ஜோ பிடனுக்கு காலில் பாதிப்பு- நலம்பெற டொனால்ட் டிரம்ப் வாழ்த்து

வாஷிங்டன்: அமெரிக்கா அதிபர் தேர்தலில் வெற்றி பெற்ற ஜோ பிடன் நாயுடன் விளையாடிக் கொண்டிருந்த போது காலில் சுளுக்கு ஏற்பட்டது. இதையடுத்து மருத்துவமனைக்கு சென்று திரும்பினார் ஜோபிடன். அவர் முழுமையாக குணமடைய அதிபர் டொனால்ட் டிரம்ப் வாழ்த்து தெரிவித்துள்ளார்.

அமெரிக்க அதிபர் தேர்தலில் ஜனநாயக கட்சி வேட்பாளர் ஜோ பிடன் (ஜோ பைடன்) வெற்றி பெற்றார். ஆனால் அவரது வெற்றியை ஏற்க மறுத்து மல்லுக்கட்டுகிறார் பதவியில் இருக்கும் அதிபர் டொனால்ட் டிரம்ப்.

மேலும் ஏராளமான தேர்தல் தொடர்பான வழக்குகளும் ஜோ பிடனின் வெற்றிக்கு எதிராக தாக்கல் செய்யப்பட்டன. இவற்றில் பெரும்பாலானவை தள்ளுபடி செய்யப்பட்டு டிரம்ப்க்கு பின்னடைவை தந்தது.

இதனால் வேறுவழியே இல்லாமல் அதிகார மாற்றத்துக்கு டிரம்ப் ஒப்புதல் தெரிவித்துவிட்டதாகவும் கூறப்பட்டது. இந்நிலையில் ஜோ பிடன் வார இறுதிநாட்களில் தமது வளர்ப்பு நாயுடன் விளையாடிக் கொண்டிருந்த போது காலில் சுளுக்கு ஏற்பட்டது. இதையடுத்து அவர் மருத்துவமனைக்கு சென்று திரும்பினார். இது தொடர்பான வீடியோ சமூக வலைதளங்களில் வைரலானது.

இந்த வீடியோவை தமது அதிகாரப்பூர்வ ட்விட்டர் பக்கத்தில் ஷேர் செய்திருக்கும் டொனால்ட் டிரம்ப், ஜோ பிடன் விரைவில் குணமடைய வாழ்த்துகள் எனவும் தெரிவித்துள்ளார்.

English summary

US President Donald Trump wishes US President- Elect Joe Biden speedy recovery from fractured foot.