பொருளாதார பேரழிவுக்கு ரெடியா மக்களே! 2026 உங்களுக்காக வைத்திருப்பது இதுதான்! ஷாக் தகவல்

வாஷிங்டன்: கடந்த 2008ம் ஆண்டு உலக பொருளாதாரம் ஒரேயடியாக முடங்கிப்போனது. அமெரிக்காவின் பொருளாதாரம் முன்னெப்போதும் இல்லாத வீழ்ச்சியை சந்திருந்தது. அதேபோன்ற பேரழிவை உலகம் மீண்டும் சந்திக்கும் என்று சர்வதேச பொருளாதார நிபுணர்கள் எச்சரித்துள்ளனர்.

பொருளாதார வல்லுநர் பீட்டர் ஷிஃப் இந்த எச்சரிக்கையை விடுத்திருக்கிறார். தனது ட்விட்டர் பதிவில், "டாலரின் ஆதிக்கம் முடிவுக்கு வருகிறது. தங்கம் முதன்மையான மத்திய வங்கி கையிருப்புச் சொத்தாக அரியணையில் அமரும். அமெரிக்க டாலர் பிற நாணயங்களுக்கு எதிராகச் சரிவடையும். அமெரிக்காவின் உலகளாவிய எளிதான ஆதாயங்கள் முடிவுக்கு வரும். ஒரு வரலாற்றுப் பொருளாதாரச் சரிவுக்குத் தயாராகுங்கள்" என்று கூறியுள்ளார்.

இவரது கூற்றுக்கு ஆதாரம் இருக்கிறது. இந்த ஆண்டில் சர்வதேச நிதி துறையில் வரலாற்று சிறப்புமிக்க மாற்றங்கள் நடந்திருக்கிறது. அதாவது கடந்த 30 ஆண்டுகளில் இல்லாத வகையில் உலக நாடுகளின் மத்திய வங்கிகள், அமெரிக்க அரசு பத்திரங்களை விட அதிக அளவில், தங்கத்தை சேமித்து வைக்க தொடங்கியுள்ளனர்.

இந்த ஆண்டு அக்டோபர் மாதம் நிலவரப்படி, மத்திய வங்கிகளிலும் சுமார் 4.5 டிரில்லியன் அமெரிக்க டாலர் அளவுக்கு தங்கம் உள்ளது. இந்த ஆண்டு ஜூலை மாதம் டாலருக்கு அடுத்தபடியாக உலகின் இரண்டாவது பெரிய இருப்பு சொத்தாக இருந்த யூரோவை தங்கம் பின்னுக்கு தள்ளி, அந்த இடத்தை கைப்பற்றியுள்ளது. டாலர் பலவீனமடைவதால் நாளுக்கு நாள் தங்கத்தின் மதிப்பு அதிகரித்துக் கொண்டே வருகிறது.

அமெரிக்காவின் தேசிய கடன், முன் எப்போதும் இல்லாத அளவை எட்டி இருக்கிறது. இது போதாது என்று, வரவு செலவு திட்டத்தில் பற்றாக்குறை அதிகரித்திருக்கிறது. இதெல்லாம் டாலர் மதிப்பு குறைய மிக முக்கியமான காரணமாகும்.

அரசியல் மற்றும் கொள்கை மாற்றங்களை பொருத்தவரை, நிர்வாகத்தின் வரி கொள்கைகள் மற்றும் அமெரிக்க மத்திய வங்கியின் நடவடிக்கையில் அமெரிக்க அரசின் தலையீடு போன்ற காரணங்களால் முதலீட்டாளர்கள் டாலர் மீதான நம்பிக்கையை இழந்திருக்கிறார்கள். எனவே தங்கத்தை நோக்கி நகர்ந்து இருக்கிறார்கள்.

பாதுகாப்பான நாணயமாக கருதப்படும் ஸ்விஸ் பிராங்க்-க்கு எதிராக, டாலர் கடந்த 14 ஆண்டுகளில் இல்லாத அளவுக்கு சரிவை சந்தித்து இருக்கிறது. உலக நாடுகளும் டாலரை தவிர்த்து தங்கள் சொந்த நாணயங்களை பரிவர்த்தனையை தீவிரப்படுத்தி உள்ளன.

இதெல்லாம் சேர்ந்து தங்கம் மற்றும் வெள்ளியின் விலையை உயர்த்தியிருக்கிறது. ஆனால், இது நல்ல அறிகுறி கிடையாது. அமெரிக்க பொருளாதாரம் பெரும் ஆபத்தில் இருப்பதற்கான எச்சரிக்கை மணி. அமெரிக்க பொருளாதாரம் விழுந்தால் அதை நம்பி இருக்கும் உலக நாடுகளின் பொருளாதாரமும் சரிவு எதிர்கொள்ளும்.

சுருக்கமாக சொன்னால், உணவுப் பொருட்கள் மற்றும் இதர அத்தியாவசிய பொருட்களின் விலைகள் உயரும். வேலையில்லா திண்டாட்டம் அதிகரிக்கும். இதனால் இந்தியா உட்பட பல்வேறு நாடுகள் பெரும் நெருக்கடியை எதிர்கொள்ளும் என்பது குறிப்பிடத்தக்கது.

English summary

In 2008, the global economy came to a complete standstill. The American economy experienced an unprecedented collapse. International economic experts have warned that the world could face a similar catastrophe again.