அமெரிக்க அதிபர் தேர்தலில் தலையிட்டால்.. ரஷ்யா, சீனாவுக்கு ஜோ பிடென் கடும் எச்சரிக்கை

Updated: Wednesday, July 22, 2020, 8:18 [IST]

Subscribe to Oneindia Tamil

வாஷிங்டன்: அமெரிக்கா அதிபர் தேர்தலில் தலையிட்டால் ரஷ்யா சீனா உள்ளிட்ட நாடுகள் மிகப்பெரிய விலை கொடுக்க வேண்டியதிருக்கும் என்று ஜனநாயக கட்சி அதிபர் வேட்பாளர் ஜோ பிடென் கடும் எச்சரிக்கை விடுத்துள்ளார்.

அதிபர் வேட்பாளர்

இந்த குற்றச்சாட்டு தொடர்பாக அமெரிக்க புலனாய்வு அமைப்பு விசாரணை நடத்தியது. டிரம்ப், ரஷ்ய அதிபர் புடின் ஆகியோர் இக்குற்றச்சாட்டை திட்டவட்டமாக மறுத்தனர். இந்நிலையில் அமெரிக்க அதிபர் தேர்தல் மீண்டும் வரும் நவம்பர் மாதம் 3ம் தேதி நடக்க உள்ளது. இதில் குடியரசு கட்சி சார்பில் அதிபர் டிரம்ப் மீண்டும் போட்டியிடுகிறார். இவரை எதிர்த்து ஜனநாயக கட்சி சார்பில் வேட்பாளராக ஜோ பிடென்(77) போட்டியிடுகிறார்.

தேர்தலில் தலையீடு

ஜோ பிடென் நிதி திரட்டல் நிகழ்ச்சி ஒன்றில் பேசுகையில், 2016ம் ஆண்டில் நடந்த அதே சம்பவம் மீண்டும் அரங்கேறுகிறது. இம்முறை ரஷ்யா, சீனா, ஈரான் மற்றும் பிற அந்நிய நாடுகள் நமது ஜனநாயகத்திலும் நமது தேர்தல் நடைமுறைகளிலும் தலையிட தயாராகி வருகின்றன. இது தொடர்பாக நம்பத்தகுந்த உளவுத் தகவல்கள் நமக்கு கிடைத்துள்ளன.

அனுமதிக்க முடியாது

அந்நியர்களை தேர்தலில் தலையிட ஒருபோதும் அனுமதிக்க முடியாது. எந்த நாடு தேர்தலில் தலையிட விரும்புகிறது என்பதை உலகிற்கு அறிவிப்பது தான் அவர்கள் தேர்தலில் தலையிட விடாமல் தடுப்பதற்கான சிறந்த வழி. ஆனால் இந்த விஷயத்தில் டிரம்ப் நிர்வாகம் தோல்வி அடைந்துவிட்டது.

பெரும் விலை கொடுக்கணும்

நான் அதிபரானால் நமது தேர்தல் நடைமுறையில் தலையிடும் நாடுகள் மீது கடுமையான நடவடிக்கை எடுப்பேன்.எனது முழு அதிகாரத்தை பயன்படுத்தி பொருளாதார தடைகளை அந்த நாடுகள் மீது விதிப்பேன். தேர்தலில் தலையிட்ட நாடுகள் அதற்காக மிகப்பெரிய விலை கொடுக்க வேண்டியதிருக்கும்" இவ்வாறு கூறினார். முன்னதாக டிரம்பும் இதே குற்றச்சாட்டை முன்வைத்தார். ஜோ பிடென் வெற்றி பெற சீனா உதவுவதாகவும், ரஷ்யாவின் தலையீடு இல்லை என்றும் கூறினார்.