இதுக்கா இம்புட்டு விலை.. வெஸ்ட் போட்டதாச்சே.. 1 மில்லியன் டாலரையும் தாண்டி ஓடுதாம்!

வாஷிங்டன்: அமெரிக்க ராப் பாடகர் கன்யே வெஸ்ட் அணிந்த யீஸி ஸ்னீக்கர் (ஷூ) 1 மில்லியனுக்கும் அதிகமாக ஏலத் தொகையைப் பெற்று புதிய சாதனை படைத்துள்ளதாம்.

2008 ஆம் ஆண்டில் நடந்த 50 வது வருடாந்திர கிராமி விருதுகளில் அமெரிக்க ராப் பாடகர் கன்யே வெஸ்ட் அணிந்திருந்த நைக் ஏர் யீஸி 1 ஷூ தான் இது. இதை தற்போது ரியான் கிங் என்பவர் ஏலத்திற்குக் கொண்டு வந்துள்ளார். பிரபலமான சோத்பே நிறுவனம்தான் இதை ஏலத்தில் விட்டுள்ளது.

இந்த வகை ஸ்னீக்கர்கள் மிகவும் மதிப்புமிக்க மற்றும் விரும்பப்பட்ட ஸ்னீக்கர்களில் ஒன்று என தெரிவிக்கப்பட்டுள்ளது, இந்த மாத இறுதியில் ஹாங்காங்கில் இது காட்சிக்கு வைக்கப்படுகிறது. இதன் ஏலத் தொகை இப்போதே 10 லட்சம் டாலரைத் தாண்டி விட்டதாம்.

இதுவரை இந்த பெரிய தொகைக்கு எந்த ஷூவும் ஏலத்தில் போனதில்லை. இதற்கு முன்பு பிரபல கூடைப்பந்தாட்டா வீரர் மைக்கேல் ஜோர்டான் போட்டிருந்த ஷூதான் 6,15,000 டாலருக்கு ஏலத்தில் போயிருந்தது. ஒரு வேளை கென்யேவின் ஷூ 10 லட்சம் டாலரைத் தாண்டி ஏலத்திற்குப் போனால் அது புதிய சாதனையாக இருக்கும்.

English summary

Kanye West's Yeezy sneakers may be the world's most expensive sneakers as it crosses 1 million dollars