கப்பல் தரையைதான் தட்டும்.. இதென்ன பாலத்தை தட்டுது? விபத்து எப்படியெல்லாம் நடக்குதுன்னு பாருங்க

நியூயார்க்: அமெரிக்காவில் மெக்சிகோ நாட்டை சேர்ந்த கடற்படை கப்பல் ஒன்று பாலத்தில் இடித்து விபத்தில் சிக்கியிருக்கிறது. இதில் 2 பேர் உயிரிழந்துள்ளதாகவும், 19 பேர் வரை காயமடைந்திருப்பதாகவும் தகவல்கள் வெளியாகியுள்ளன.

இது தொடர்பான வீடியோ சோஷியல் மீடியாக்களில் பரவலாக பகிரப்பட்டு வருகிறது. வீடியோவில் கப்பல் பாலத்தில் இடித்து நிற்பது தெளிவாக தெரிந்திருக்கிறது.

ராணுவ பயிற்சி பள்ளியில், பயிற்சி நிறைவடைந்ததும் கொண்டாடப்படுகிறது அல்லவா, அதுபோல மெக்சிகோ நாட்டின் கடற்படை ராணுவ பயிற்சி பள்ளியிலும், பயிற்சி முடிந்ததும், பாய்மர கப்பலில் கடற்படை வீரர்கள் சுற்றுலா போவார்கள். அப்படித்தான் மெக்சிகோவிலிருந்து ஒரு பாய்மரப்படகு கடந்த ஏப்.6ம் தேதி புறப்பட்டது.

மெக்சிகன் துறைமுகமான அகபுல்கோவிலிருந்து புறப்பட்டு, ஜமைக்காவின் கிங்ஸ்டன், கியூபாவின் ஹவானா, மெக்சிகோவின் கோசுமெல், நியூயார்க் என மொத்தம் 15 நாடுகளில் உள்ள 22 துறைமுகங்களை இந்த கப்பல் பார்வையிடும். மொத்த பயண நாட்கள் 254.

Just watched the Brooklyn Bridge get smoked live by a boat with a massive Mexican flag pic.twitter.com/R8eJKwJaJ2

— Nelson Slinkard (@TheWillieNelson) May 18, 2025

இந்த கப்பல் இன்று காலை நியூயார்க் வந்திருக்கிறது. அங்கிருந்து 'கிழக்கு நதி' வழியாக துறைமுகத்திற்கு வந்திருக்கிறது. கப்பல் முழுவதும் லைட் வெளிச்சம் மின்ன, படு ஜோராய் இந்த கப்பல் வந்ததை பார்த்த மக்கள் அதை வீடியோ எடுத்திருக்கிறார்கள். ஆனால் கப்பல் எதிர்பாராத விதமாக 'புருக்ளின்' பாலத்தின் மேல் மோதியிருக்கிறது.

இந்த சம்பவத்தை நேரில் பார்த்தவர்கள் கூறுகையில், "நாங்கள் பார்த்துக்கொண்டிருந்தபோதே அந்த விபத்து நடந்தது. மொத்தம் மூன்று கம்பங்கள் கப்பலில் இருந்தன. இதில், கடற்படை வீரர்கள் நின்றுக்கொண்டிருந்தார்கள். கம்பங்கள் பாலத்தில் மோதும்போது அவர்கள் மேலிருந்து கீழே விழுந்தனர். என்னால் வெறும் கண்களால் இதை சரியாக பார்க்க முடியவில்லை. மொபைலில் ஜூம் செய்து பார்த்தபோது வீரர்கள் உயிருக்கு போராடுவது தெரிந்தது. இருப்பினும் கப்பல் நிற்காமல் சென்றுக்கொண்டே இருந்தது" என்று கூறியுள்ளனர்.

நியூயார்க் மேயர் எரிக் ஆடம்ஸ் இது குறித்து கூறுகையில், "இந்த விபத்தில் தொடக்கத்தில் 12 பேர் காயமடைந்ததாக தெரிய வந்தது. இப்போது இந்த எண்ணிக்கை 19ஆக உயர்ந்திருக்கிறது. இவர்களில் 4 பேர் கவலைக்கிடமாக இருக்கிறார்கள். 2 பேர் உயிரிழந்துள்ளனர். நல்வாய்ப்பாக யாரும் தண்ணீரில் விழவில்லை" என்று கூறியுள்ளார்.

சுமார் 297 அடி நீளமும் 40 அடி அகலமும் கொண்ட கடற்படை பயிற்சி கப்பல் விபத்தில் சிக்கியிருக்கும் காட்சிகள் சோஷியல் மீடியாவில் பரவலாக பகிரப்பட்டு வருகிறது.

English summary

In the United States, a naval ship from Mexico collided with a bridge and met with an accident. Reports state that 2 people have died and up to 19 others have been injured.