டிரம்ப் பதவியேற்பு நிகழ்ச்சியில் காஞ்சி பட்டுப்புடவை+ மரகத நெக்லஸில் ஜொலித்த நீடா அம்பானி!

Published: Monday, January 20, 2025, 15:44 [IST]

Subscribe to Oneindia Tamil

வாஷிங்டன்: அமெரிக்க அதிபர் டொனால்ட் டிரம்ப் பதவியேற்பு விழாவுக்கு காஞ்சி பட்டுப் புடவை அணிந்து சென்றார் முகேஷ் அம்பானியின் மனைவி நீடா அம்பானி. இந்த புடவை அனைவரையும் ஈர்த்தது. அந்த புடவையின் ஸ்பெஷல் என்ன என்பதை தெரிந்து கொள்ளலாம்.

அமெரிக்க அதிபர் டொனால்ட் டிரம்ப் பதவியேற்பு விழா இன்று இந்திய நேரப்படி இரவு 10.30 மணிக்கு நடைபெறுகிறது. இந்த விழாவில் இந்தியா சார்பில் வெளியுறவுத் துறை அமைச்சர் ஜெய்சங்கர் பங்கேற்கிறார்.

அது போல் சீன அதிபர் ஜின் பிங், இத்தாலி பிரதமர் ஜார்ஜியா மெலோனி, அர்ஜென்டினா அதிபர் ஜாவியர் மிலேய், எல் சல்வேடார் தலைவர் ஜெயிர் போல்சனரோ உள்பட பலருக்கு அழைப்பு விடுத்துள்ளது.

அது போல் பிரபல தொழிலதிபரான முகேஷ் அம்பானி, நீடா அம்பானி தம்பதிக்கும் டிரம்ப் பதவியேற்பு விழாவில் பங்கேற்க அழைப்பு விடுக்கப்பட்டது. இதை ஏற்று அம்பானி தம்பதி நேற்று அமெரிக்கா சென்றனர். பதவியேற்பு விழாவுக்கு முன் துணை அதிபராக தேர்வு செய்யப்பட்டுள்ள ஜே.டி.வான்ஸ் வாஷிங்டன் டிசியில் உணவு விருந்து அளிக்கப்பட்டது.

இந்த விருந்தில் முகேஷ் அம்பானியும் நீடா அம்பானியும் பங்கேற்றனர். அப்போது டிரம்ப்பை இருவரும் சந்தித்து பேசினர். இந்த நிகழ்வில் நீடா அம்பானி அணிந்திருந்த காஞ்சிபுரம் பட்டுச் சேலை பலரையும் கவர்ந்தது. அவர் அணிந்திருந்த புடவையில் காஞ்சிபுரத்தின் பழம்பெரும் வாய்ந்த கோயில்களின் சிறப்பை வெளிப்படுத்தும் விதமாக இருந்தது.

மயில், கோபுரங்கள் உள்ளிட்டவை இடம் பெற்றிருந்தன. ஸ்வதேஷ் சார்பில் உருவாக்கப்பட்ட இந்த சேலை , தேசிய விருது பெற்ற கலைஞரான கிருஷ்ணமூர்த்தி வடிவமைத்திருந்தார். அந்த புடவையில் 100-க்கும் மேற்பட்ட பாரம்பரிய டிசைன்கள் இடம்பெற்றிருந்தன.

அவருடைய ஜாக்கெட்டை காஸ்ட்யூமர் மணீஷ் மல்ஹோத்ரா வடிவமைத்திருந்தார். அதில் நிறைய மணிகள் வைத்து வேலைப்பாடு செய்யப்பட்டிருந்தது. அத்துடன் நீடா அம்பானி 200 ஆண்டுகள் பழமையான நெக்லெஸ்ஸை அணிந்திருந்தார். அதில் ரூபி, வைரம், முத்து, மரகதம் உள்ளிட்ட கற்கள் இடம் பெற்றிருந்தன.

பல்வேறு தருணங்களில் நீடா அம்பானி பட்டுப்புடவை அணிந்திருந்தார். அது போல் அவரிடம் பழமையான நகைகள் உள்ளன. இவற்றை தனது வீட்டு விசேஷங்களுக்கு அவர் அணிந்திருப்பார், புடவைக்கு மேட்சிங்காக ஹேண்ட் பேக் உள்ளிட்டவைகளை அணிந்து டிரெண்ட் செட்டரானார்.

Published On January 20, 2025