மவுசு குறையும் தங்கம்.. இனி பழைய மாதிரி மின்னாது! விஞ்ஞானிகள் கண்டுபிடித்த புதிய பொருள்!
வாஷிங்டன்: தங்கம் ஏன் இவ்வளவு காஸ்ட்லியாக இருக்கிறது? ஏனெனில் அது எளிதில் மற்ற தனிமங்களுடன் வினைபுரியாது. அதாவது இரும்பு செம்பு போல.. துருப்பிடிக்காது, நிறம் மங்காது. எனவேதான நகைகள் செய்ய தங்கம் பயன்படுத்தபடுகிறது. தங்கம் அளவில் குறைவாகவே கிடைப்பதால் விலை அதிகமாக இருக்கிறது. ஆனால், தங்கம் இப்படி எந்த தனிமத்தாலும் வினைபுரியாத பொருள் கிடையாது. அது நிச்சயம் வினைபுரியும் என்று விஞ்ஞானிகள் கண்டுபிடித்திருக்கின்றனர்.
அதாவது தங்கம் எத்தனை ஆண்டுகளானாலும் அது தனது மின்னும் தன்மையை இழக்காது. பல ஆயிரம் ஆண்டுகள் ஆனாலும் கூட, கடலுக்கு அடியில் பல கி.மீ ஆழத்தில், அழுத்தம் அதிகமாக உள்ள இடத்தில் இருந்தாலும் கூட, தங்கம் மின்னிக்கொண்டதான் இருக்கும். காரணம் அது எந்த தனிமத்தாலும் வினைபுரியாது.
இப்படி இருக்கையில் கலிஃபோர்னியாவில் உள்ள SLAC எனும் ஆய்வகத்தில், விஞ்ஞானிகள் நடத்திய ஆய்வில் தங்கம் வினைபுரியும் பொருளை கண்டுபிடித்திருக்கின்றனர். முங்கே ஃப்ரோஸ்ட் என்கிற விஞ்ஞானி தலைமையிலான ஆய்வாளர்கள், ஹைட்ரஜனுக்கு அதிக அழுத்தம் கொடுத்தால் என்ன ஆகும் என்பதை ஆய்வு செய்தனர். இது போன்ற ஆய்வுகளில் தங்கம் பயன்படுத்தப்படும். தங்கம் எந்த பொருளுடனும் எளிதில் சேராது என்பதால், ஆய்வில் தங்கம் பயன்படுத்தப்படுகிறது.
இந்த ஆய்வில் ஒரு பாக்ஸில் ஹைட்ரஜன் வாயுவை அடைத்து, அதை தங்கம் கொண்டு சீல் செய்தனர். ஹைட்ரஜனுக்கு அழுத்தம் கொஞ்சம் கொஞ்சமாக அதிகரிக்கப்பட்டது. ஒரு கட்டத்தில், தங்கம் இந்த வாயுவுடன் கலந்து, 'தங்க ஹைட்ரைடு' எனும் புதிய திடப்பொருள் உருவானது. இது விபத்தாக கண்டுபிடிக்கப்பட்டிருக்கிறது. இந்த ஆய்வில் ஒரு உண்மை கண்டுபிடிக்கப்பட்டிருக்கிறது. தங்கம் ஹைட்ரஜனுடன் வினைபுரியும் என்பதை விஞ்ஞானிகள் கண்டுபிடித்திருக்கின்றனர்.
இப்படி ஒரு திடப்பொருள் தற்போதுதான் கண்டுபிடிக்கப்பட்டிருக்கிறது என்பதால் இதை வைத்து என்ன செய்ய முடியும் என்பது போகப்போகத்தான் தெரியும். வியாழன் மற்றும் சனி கிரகங்களில் அழுத்தம் அதிகம் இருக்கும். அங்கு தங்கமும் இருக்கிறது. இப்போது ஆய்வகங்களில் தங்க ஹைட்ரைடு கண்டுபிடிக்கப்பட்டதை போல, அங்கும் இதுபோன்று தங்க ஹைட்ரைடு இருக்கும். இதை வைத்து கோள்களின் உருவாக்கம் குறித்து இன்னும் அதிகமாக நம்மால் தெரிந்துக்கொள்ள முடியும்.
அதேபோல துருப்பிடிக்காத மின்னணு மற்றும் மருத்துவ பொருட்களை தயாரிக்க இந்த திடப்பொருள் பயன்படுத்தப்படலாம் என்றும் சொல்லப்படுகிறது. எனவே இனி தங்கம் பழையபடி எப்போதும் மின்னும் பொருளாக இருக்காது என்பது குறிப்பிடத்தக்கது.
Click it and Unblock the Notifications
Sign in with Google