இந்தியாவிடம் சிக்கி செத்திருப்பார்.. பாக். பிரதமரை காப்பாற்றியதே நான்தான்! நாடாளுமன்றத்தில் டிரம்ப்

வாஷிங்டன்: அமெரிக்க நாடாளுமன்ற ஸ்டேட் ஆஃப் தி யூனியனில் அதிபர் டிரம்ப் உரையாற்றினார். இந்தியா பாகிஸ்தான் (Trump on India Pakistan war) உட்பட 8 போர்களை நிறுத்தியுள்ளதாகக் கூறிய டிரம்ப், தான் தலையிடவில்லை என்றால் 3.5 கோடி பாகிஸ்தான் மக்கள் இந்த மோதலில் உயிரிழந்திருப்பார்கள் என்றார். மேலும், இந்தியா பாகிஸ்தான் மோதலைத் தான் நிறுத்தியதால் மட்டுமே பாகிஸ்தான் பிரதமர் உயிருடன் இருக்கிறார் என்றும் டிரம்ப் தெரிவித்தார்.

அமெரிக்காவின் அதிபர் டொனால்ட் டிரம்ப், இன்றைய தினம் நாடாளுமன்ற ஸ்டேட் ஆஃப் தி யூனியனில் உரையாற்றினார். அப்போது அவர் இந்தியா- பாகிஸ்தான் அணுக்குண்டு போர் உட்பட எட்டு போர்களைத் தான் முடிவுக்குக் கொண்டுவந்ததாக மீண்டும் கூறினார். அத்துடன், அவர் அப்போது ஒரு அதிர்ச்சிகரமான தகவலையும் வெளியிட்டார்.

அதாவது இந்தியா மேற்கொண்ட 'ஆபரேஷன் சிந்துர்' நடவடிக்கையைத் தான் தடுத்து நிறுத்தியதால் தான் இப்போது பாகிஸ்தான் பிரதமர் ஷெபாஸ் ஷெரீப் உயிருடன் இருப்பதாக டிரம்ப் கூறினார். தனது தலையீடு இல்லையெனில், கடந்த ஆண்டு 'ஆபரேஷன் சிந்துரின்' போது 3.5 கோடி மக்கள் பாகிஸ்தானில் கொல்லப்பட்டிருப்பார்கள் என்று ஷெரீப் தன்னிடம் தெரிவித்ததாகவும் அவர் குறிப்பிட்டார்.

இது தொடர்பாக அவர் மேலும் கூறுகையில், "அதிபராக எனது முதல் 10 மாதங்களில், நான் எட்டுப் போர்களை முடிவுக்குக் கொண்டுவந்தேன்... பாகிஸ்தானும் இந்தியாவும் அணு ஆயுதப் போரில் ஈடுபட்டிருக்கும். எனது ஈடுபாடு இல்லையென்றால் பாகிஸ்தான் பிரதமர் கூறியது போல 3.5 கோடி மக்கள் இறந்திருப்பார்கள்," என்று டிரம்ப் தன் உரையில் தெரிவித்தார். தனது பதவிக்காலச் சாதனைகளை விவரிக்கும்போது அவர் இந்தக் கருத்துகளைத் தெரிவித்தார்.

இஸ்ரேல்- ஹமாஸ், இஸ்ரேல்- ஈரான், எகிப்து- எத்தியோப்பியா, செர்பியா- கொசோவோ, ருவாண்டா- காங்கோ ஜனநாயகக் குடியரசு, ஆர்மீனியா- அஜர்பைஜான் மற்றும் கம்போடியா- தாய்லாந்து உள்ளிட்ட மோதல்களையும் தானே நிறுத்தி வைத்தாக டிரம்ப் தெரிவித்தார்.

English summary

Trump says Pakistan PM “would’ve died” if not for him during India-Pak ceasefire(இந்தியா பாகிஸ்தான் போர் குறித்து டிரம்ப்): Trump on India Pakistan war latest news.