பெரும் சோகம்.. தண்ணீரில் பிணமாக மீட்கப்பட்ட ஒபாமாவின் தனி சமையல் கலைஞர்.. இறந்தது எப்படி? பின்னணி
வாஷிங்டன்: அமெரிக்காவின் முன்னாள் அதிபர் பராக் ஒபாமாவின் பங்களா அருகே உள்ள நீர்நிலையில் அவரது பேவரைட் மற்றும் பிரத்யேக சமையல் கலைஞர் டஃபாரி கேம்ப்பெல் இறந்து கிடந்த நிலையில் பின்னணியில் உள்ள சோகமான தகவல் வெளியாகி உள்ளது.
அமெரிக்க அதிபராக 2 முறை பதவி வகித்தவர் பராக் ஒபாமா. இவர் கடந்த 2009 முதல் 2017 வரை அமெரிக்க அதிபராக பொறுப்பேற்று செயல்பட்டார். இதையடுத்து ஒபாமா தனது குடும்பத்துடன் அமெரிக்காவில் பிரபலமான மார்தாஸ் வைன்யார்ட் எனும் தீவில் 7 ஆயிரம் சதுரஅடி சொகுசு பங்களாவை வாங்கி வசித்து வருகிறார்.
இந்த பங்களா என்பது அட்லாண்டிக் கடலையொட்டிய பகுதியில் மிகவும் ரம்மியமான சூழலில் அமைந்துள்ளது. ஒபாமாவிடம் தனி சமையல் கலைஞராக டஃபாரி கேம்ப்பெல் (வயது 45) என்பவர் பணியாற்றி வந்தார்.
அதாவது ஒபாமா அமெரிக்க அதிபராக இருந்தபோது டஃபாரி கேம்ப்பெல் வெள்ளை மாளிகையின் தலைமை சமையல் கலைஞராக இருந்தார். இவரது சமையலில் ஒபாமா மிகவும் ஈர்க்கப்பட்டார். இதையடுத்து ஒபாமா அவரை தனது பங்களாவில் தனக்ககான பிரத்யேக சமையற்கார குழுவில் இணைத்து கொண்டார்.
இந்நிலையில் தான் டஃபாரி கேம்ப்பெல் நேற்று முன்தினம் ஒபாமாவின் பங்களா அமைந்துள்ள பகுதியில் அட்லாண்டிக் கடல் அருகே எட்கார்டவுன் கிரேட் பாண்ட் எனும் நீர்நிலையில் paddle board-ல் பயணம் செய்தார். அப்போது எதிர்பாராத விதமாக தண்ணீரில் கவிழ்ந்தது. இதில் டஃபாரி கேம்ப்பெல் தண்ணீரில் மூழ்கினார். மீட்பு பணி வேகமாக தொடங்கியது.
ஆனால் டஃபாரி கேம்ப்பெல்லை கண்டுப்பிடிக்க முடியவில்லை. இந்நிலையில் நேற்று சோனார் மூலம் அவரது உடல் கண்டுபிடிக்கப்பட்டு மீட்கப்பட்டது. கரையிலிருந்து சுமார் 100 அடி தூரத்தில் அவர் உடல் கண்டுபிடிக்கப்பட்டது. இந்த விபத்து நடந்தபோது ஒபாமா மற்றும் அவரது மனைவி மிட்செல் ஒபாமா ஆகியோர் அந்த பங்களாவில் இல்லை.
இதற்கிடையே தான் 45 வயதான டஃபாரி கேம்ப்பெல்லின் மறைவுக்கு ஒபாமா இரங்கல் தெரிவித்துள்ளார். இதுபற்றி அவர், ‛‛டஃபாரி கேம்ப்பெல் எங்கள் வாழ்க்கையின் ஒருபகுதியாக இருந்தார். அவர் மறைந்துவிட்டார் என்பது எங்களின் இதயத்தை நொறுக்குகிறது. டஃபாரி கேம்ப்பெல்லின் மறைவால் வாடும் அவரது மனைவி ஷெரிஸ், இரட்டை குழந்தைகளான சேவியர், சவின் உள்ளிட்டோரின் துக்கத்தில் பங்கெடுத்து கொள்கிறோம்'' என தெரிவித்துள்ளார்.
Click it and Unblock the Notifications
Sign in with Google