கொரோனாவால் தொடர் காய்ச்சல்.. ஹெலிகாப்டரில் மருத்துவமனை விரைந்த டொனால்ட் ட்ரம்ப்

Updated: Saturday, October 3, 2020, 11:33 [IST]

Subscribe to Oneindia Tamil

வாஷிங்டன்: கொரோனா நோய் தொற்றால் பாதிக்கப்பட்ட அமெரிக்க அதிபர் டொனால்டு டிரம்ப் மருத்துவமனையில் சிகிச்சைக்காக சேர்க்கப்பட்டுள்ளார். தொடர் காய்ச்சல் காரணமாக அவர் மருத்துவமனையில் சேர்க்கப்பட்டு உள்ளதாக தகவல்கள் தெரிவிக்கின்றன.

அமெரிக்க அதிபர் தேர்தலுக்கு இன்னும் ஒரு மாதம் தான் இருக்கும் நிலையில் அதிபர் டொனால்டு டிரம்ப் மற்றும் அவரது மனைவி மெலனியா ஆகியோருக்கு கொரோனா நோய் தொற்று இருப்பது கண்டறியப்பட்டது.

இதுபற்றி நேற்று ட்ரம்ப் தனது டுவிட்டர் பக்கத்தில் அறிவித்தார்.

இந்த நிலையில் தொடர்ந்து காய்ச்சல் உள்ளிட்ட கொரோனாவுக்கான லேசான அறிகுறிகள் இருப்பதால் மேல்சிகிச்சைக்காக அவர் அலபாமா மாகாணத்தில் உள்ள வால்டர் ரெட் தேசிய ராணுவ மருத்துவமனையில் அதிபர் ட்ரம்ப் அனுமதிக்கப்பட்டுள்ளார்.

வெள்ளை மாளிகையிலிருந்து ஹெலிகாப்டர் மூலம் அவர் அழைத்துச் செல்லப்பட்டார். அவர் வெளியே சென்றபோது கறுப்பு வண்ண முகக் கவசம் அணிந்திருந்தார். செய்தியாளர்களை நோக்கி கைகளை காட்டியபடி அவர் ஹெலிகாப்டரில் ஏறி பிறகு மருத்துவமனை சென்றடைந்தார்.

pic.twitter.com/B4H105KVSs
— Donald J. Trump (@realDonaldTrump) October 2, 2020

வீடியோ வெளியிட்ட ட்ரம்ப்

மருத்துவமனையில் சேர்ந்த பிறகு, அவர் உடல் நிலை சீராக இருப்பதாக அரசு தரப்பில் தெரிவிக்கப்பட்டுள்ளது. மருத்துவமனையை அடைந்ததும், டுவிட்டரில் வெளியிட்டுள்ள வீடியோவில் தான் மருத்துவமனையில் அனுமதிக்கப்பட்டுள்ளதாகவும் தற்போது நலமாக இருப்பதாகவும் ட்ரம்ப் தெரிவித்துள்ளார்.

அதிக ரிஸ்க்

அதிக உடல் எடை வயது மூப்பு உள்ளிட்ட பிரச்சினைகள் இருக்கக்கூடிய டொனால்ட் ட்ரம்ப்புக்கு கொரோனா நோய் தொற்று ஏற்பட்டு இருப்பதால் இவர் உயர் ரிஸ்க் பிரிவின் கீழ் வருகிறார். எனவே லேசான அறிகுறிகள் மேலும் தீவிரம் அடைந்து விடக்கூடாது என்பதற்காக மருத்துவமனையில் வைத்து சிகிச்சை அளிப்பதாக கூறப்படுகிறது.

Going welI, I think! Thank you to all. LOVE!!!
— Donald J. Trump (@realDonaldTrump) October 3, 2020

ட்ரம்ப் ட்வீட்

மருத்துவமனையில் ட்ரம்புக்கு ஆன்டிபாடிகளுக்கான ஊசி மருந்துகள் வழங்கப்பட்டுள்ளன. இதனிடையே, இந்திய நேரப்படி இன்று காலை 9 மணியளவில் ட்ரம்ப் வெளியிட்ட டுவிட்டர் பதிவில், எல்லாம் நல்லபடியாக போய்க் கொண்டு இருக்கிறது. அப்படித்தான் நான் நினைக்கிறேன். எல்லோருக்கும் நன்றி. அன்புடன். இவ்வாறு ட்ரம்ப் கூறியுள்ளார்.