அமெரிக்கவில் ஒரே நாளில் 1,41,716 பேருக்கு கொரோனா; பிரேசிலில் 51,922 பேருக்கு பாதிப்பு

வாஷிங்டன்: அமெரிக்காவில் கொரோனா கோரத்தாண்டவம் தொடர்ந்து கொண்டிருக்கிறது. அமெரிக்காவில் ஒரே நாளில் 1,41, 716 பேருக்கு கொரோனா பாதிப்பு உறுதி செய்யப்பட்டது.

உலக நாடுகளில் கொரோனா மொத்த பாதிப்பு எண்ணிக்கை 6,25,50,620 ஆக உயர்ந்துள்ளது. கொரோனா மரணங்களின் மொத்த எண்ணிக்கை 14,57,429 ஆகவும் அதிகரித்துள்ளது.

உலக நாடுகளில் கொரோனாவால் பாதிக்கப்பட்டு குணமடைந்தோர் எண்ணிக்கை 4,31,72,869. அமெரிக்காவில் கொரோனாவின் தாக்கம் தொடர்ந்து உச்சமாகவே இருந்து வருகிறது.

அமெரிக்காவில் ஒரே நாளில் 1,41,716 பேருக்கு கொரோனா பாதிப்பு உறுதி செய்யப்பட்டது. ஒரே நாளில் அமெரிக்காவில் 1,216 பேர் கொரோனாவால் உயிரிழந்துள்ளனர்.

அமெரிக்காவை தொடர்ந்து பிரேசிலில் ஒரே நாளில் 51,922 பேருக்கும் இந்தியாவில் 39,567 பேருக்கும் ரஷ்யாவில் 27,100 பேருக்கும் கொரோனா பாதிப்பு உறுதியானது. பிரேசிலில் ஒரே நாளில் 563 பேரும் ரஷ்யாவில் ஒரே நாளில் 510 பேரும் இந்தியாவில் 467 பேரும் கொரோனாவால் மரணம் அடைந்துள்ளனர்.

English summary

US has recorded 1,41,716 coronairus infections in Last 24 hours.