அமெரிக்காவில் கொரோனா மீண்டும் கோரத்தாண்டவம்.. ஒரே நாளில் 2,005 பேர் பலி

வாஷிங்டன்: அமெரிக்காவில் கொரோனா மீண்டும் கோரத்தாண்டவமாடி வருகிறது. அமெரிக்காவில் ஒரே நாளில் 2005 பேர் கொரோனாவுக்கு பலியாகி உள்ளனர்.

உலக நாடுகளில் கொரோனா பரவல் மீண்டும் அதிகரித்து வருகிறது. உலகம் முழுவதும் நேற்று ஒரே நாளில் 4,51,734 பேருக்கு கொரோனா பாதிப்பு உறுதியானது.

உலகம் முழுவதும் 7,479 பேர் நேற்று கொரோனாவால் உயிரிழந்தனர். கொரோனா பாதிப்பில் இருந்து உலகம் முழுவதும் 4,01,882 பேர் குணமடைந்துள்ளனர்.

அமெரிக்காவில் அதிக பாதிப்பு

உலக நாடுகளிலேயே அமெரிக்காவில்தான் கொரோனா பாதிப்பு உச்சமாக இருக்கிறது. அமெரிக்காவில் நேற்று மட்டும் 80,425 பேருக்கு கொரோனா தொற்று உறுதியானது. அமெரிக்காவில் மொத்த கொரோனா பாதிப்பு எண்ணிக்கை 46,092,362. அமெரிக்காவில் கொரோனா பாதிப்பில் இருந்து நேற்று குணமடைந்தவர்கள் எண்ணிக்கை 1,01,759. அமெரிக்காவில் இதுவரை 35,814,326 பேர் கொரோனா பாதிப்பில் இருந்து மீண்டுள்ளனர்.

ஒரே நாளில் 2005 பேர் பலி

உலக அளவில் அமெரிக்காவில்தான் ஒருநாள் கொரோனா மரணங்கள் அதிகமாக உள்ளது. அமெரிக்காவில் ஒரே நாளில் 2005 பேர் உயிரிழந்துள்ளனர். அமெரிக்காவில் கொரோனாவால் இதுவரை 7,51,811 பேர் உயிரிழந்துள்ளனர். அமெரிக்காவுக்கு அடுத்ததாக இங்கிலாந்தில் ஒருநாள் கொரோனா பாதிப்பு அதிகமாக உள்ளது. இங்கிலாந்தில் நேற்று 49,139 பேருக்கு கொரோனா தொற்று உறுதி செய்யப்பட்டது. மேலும் 179 பேர் கொரோனாவால் உயிரிழந்தனர்.

ரஷ்யா 3-வது இடம்

உலக நாடுகளில் கொரோனா பாதிப்பில் ரஷ்யா 3-வது இடத்தில் உள்ளது. ரஷ்யாவில் நேற்று 34,073 பேருக்கு கொரோனா தொற்று உறுதியானது. மேலும் 1028 பேர் கொரோனாவால் உயிரிழந்தனர். அமெரிக்கா, ரஷ்யாவை தொடர்ந்து உக்ரைன் 495, மெக்சிகோ 446, ருமேனியா 414, பிரேசில் 401 என ஒருநாள் கொரோனா மரணங்கள் பதிவாகி உள்ளன.

10-வது இடத்தில் இந்தியா

உலக அளவில் கொரோனா பாதிப்பில் இந்தியா 10வது இடத்தில் உள்ளது. கொரோனா மரணங்கள் பட்டியலிலும் உலக அளவில் 10-வது இடத்தில் இந்தியா இருக்கிறது. இந்தியாவில் கடந்த 24 மணிநேரத்தில் 18,359 பேருக்கு கொரோனா தொற்று உறுதி செய்யப்பட்டுள்ளது. மேலும் நாட்டில் கடந்த 24 மணி நேரத்தில் 160 பேர் கொரோனாவால் உயிரிழந்துள்ளனர். இந்தியாவில் இதுவரை 452,844 பேர் கொரோனாவால் மரணம் அடைந்துள்ளனர்.

English summary

US has Reported 2,005 new Covid19 Deaths in Single day.