உலகில் கொரோனா பாதிப்பு 91லட்சத்தை தாண்டியது.. மோசமாக பாதிக்கப்பட்ட நாடுகள்.. விவரம்

வாஷிங்டன்: கொரோனா வைரஸ் தொற்றால் உலகம் முழுவதும் பாதிக்கப்பட்டவர்கள் எண்ணிக்கை 91லட்சத்தை தாண்டி உள்ள நிலையில் இதில் சுமார் 4லட்சத்து 74 ஆயிரம் உயிரிழந்துள்ளனர். கொரோனாவால் அதிகம் பாதிக்கப்பட்ட நாடுகள் பட்டியலில் அமெரிக்கா முதல் இடத்தில் உள்ளது. இந்தியா 4வது இடத்தில் உள்ளது.

கொரோனா வைரஸ் தொற்றால் உலகம் முழுவதும் 91,85,229 பேர் பாதிக்கப்பட்டுள்ளனர். இந்த தொற்றில் இருந்து குணம் அடைந்தவர்கள் எண்ணிக்கை 49,21,063 ஆக உயர்ந்துள்ளது. இதுவரை உலகில் கொரோனா வைரஸ் தொற்றால் பலியானவர்கள் எண்ணிக்கை 4,74,237 ஆக உயர்ந்து உள்ளது. தினமும் கொரோனாவால் உயிரிழ்ப்போர் எண்ணிக்கை வேகமாக அதிகரித்து வருகிறது. 3,858 பேர் ஒரே நாளில் கொரோனாவால் உலகம் முழுவதும் உயிரிழந்துள்ளளனர்.

நேற்று உலகிலேயே கொரோனாவால் மிக அதிக அளவாக மெக்ஸிகோவில் 1044 பேர் பலியாகினர். பிரேசிலில் 748 பேரும், அமெரிக்காவில் 363 பேர் கொரோனாவால் பலியாகினர். இந்தியாவில் கொரோனா தொற்றால் ஒரே நாளில் 312 பேர் உயிரிழந்தனர்.

உலகிலேயே அமெரிக்காவில் தான் மிக அதிகபட்சமாக நேற்று 31496 பேருக்கு புதிதாக கொரோனா தொற்று உறுதி செய்யப்பட்டது. பிரேசிலில் 24358 பேருக்கும், இந்தியாவில் 13540 பேருக்கும் புதிதாக கொரோனா தொற்று உறுதி செய்யப்பட்டுள்ளது. உலகிலேயே கொரோனாவால் அதிக பாதிப்பை சந்தித்த நாடுகளின் பட்டியலில் அமெரிக்கா முதலிடத்தில் உள்ளது. அங்கு 2,388,153 பேர் பாதிக்கப்பட்டுள்ளனர். 122,610 பேர் உயிரிழந்துள்ளனர்.

இரண்டாவது இடத்தில் உள்ள பிரேசில நாட்டில் 11,11,348 பேர் பாதிக்கப்பட்டுள்ளனர். 51,407 பேர் உயிரிழந்துள்ளனர். 3வது இடத்தில் ரஷ்யா உள்ளது. இங்கு 592,280 பேர் கொரோனாவால் பாதிக்கப்பட்டனர். இதில் 8,206 பேர் உயிரிழந்துள்ளனர். 4வது இடத்தில் இந்தியா உள்ளது. இங்கு 440,450 பேர் பாதிக்கப்பட்டுள்ளனர். 14,015 பேர் உயிரிழந்துள்ளனர்.

English summary

world covid cases rises to 91,85,229 . world corona update country wise list here