Middle Class OTT :ஓடிடிக்கு வரும் மிடில் கிளாஸ்.. எப்போ? எந்த தளத்தில் பார்க்கலாம்? பேமிலி பட ரசிகர்களுக்கு என்ஜாய்

Updated: Friday, December 19, 2025, 19:52 [IST]

Subscribe to Oneindia Tamil

சென்னை: நடிகர் முனிஷ் காந்த் மற்றும் நடிகை விஜயலட்சுமி உட்பட பலர் நடித்த மிடில் கிளாஸ் படம் ஒடிடிக்கு வர இருக்கிறது. அதுவும் எந்த தளத்தில்? எப்போது? வெளியாக்கும் என்ற தகவலை அதிகாரப்பூர்வமாக அறிவிக்கப்பட்டு இருக்கிறது. அது பற்றி விரிவாக பார்க்கலாம்

சினிமாவில் ஒரு நடிகர் நடித்த கேரக்டர் மக்களுக்கு பிடித்து விட்டால் அந்த கேரக்டரின் பெயருடன் அந்த நடிகரை நினைவுபடுத்திக் கொள்வார்கள். அதேபோலத்தான் நடிகர் முனிஷ்காந்த்க்கு நடந்திருக்கிறது. நடிகர் முனீஸ் காந்தின் நிஜ பெயர் ராமதாஸ். சில வருடங்களுக்கு முன்பு வெளியான முண்டாசுப்பட்டி படத்தில் இவருடைய பெயர் முனிஷ்காந்த் அந்த படம் அவருக்கு நல்ல வரவேற்பு கொடுக்க அதையே தன்னுடைய பெயராக மாற்றிக்கொண்டார்.

அவர் தன்னுடைய பெயரை முனிஷ்காந்த் என்று மாற்றிய பிறகு அவருக்கு அடுத்தடுத்த பட வாய்ப்புகள் கிடைத்தது. அதிலும் கதாநாயகனாக நடிப்பதற்கே வாய்ப்பு கிடைத்திருக்கிறது. இயக்குநர் அகத்தியனின் மகளான விஜயலட்சுமி உடன் மிடில் கிளாஸ் படத்தில் நடித்திருக்கிறார். இந்த படம் கடந்த நவம்பர் மாதத்தில் தான் திரையரங்குக்கு வந்தது. இந்த திரைப்படம் தியேட்டரில் நல்ல வரவேற்பு பெற்றது.

குறைவான பட்ஜெட்டில் எடுக்கப்பட்ட படங்கள் 2025ல் அதிகமாக வந்தது. அந்த வரிசையில் மிடில் கிளாஸ் படமும் ஒன்று. பொதுவாக சினிமாவில் சில விஷயங்களை பாலோ பண்ணுவார்கள் ஒரு படம் வெற்றி பெற்றுவிட்டால் அதே போலவே இன்னும் சில படங்கள் வந்துவிடும். அந்த வரிசையில் டூரிஸ்ட் ஃபேமிலி படம் வெற்றி அடைந்த சமயத்தில் அதை தொடர்ந்து குறைவான பட்ஜெட்டில் படங்கள் வந்து கொண்டே இருந்தது.

அதிலும் முன்னணி நடிகர்கள் நடித்த படங்கள் தான் வெற்றி பெறும் என்று இல்லை என்று நிரூபிக்கும் வகையில் மிடில் கிளாஸ் படத்தில் முனீஸ் காந்த் ஹீரோவாக நடித்து பலரையும் வியக்க வைத்திருந்தார். மிடில் கிளாஸ் படத்தின் கதைப்படி முனீஸ் அவருடைய மனைவி மற்றும் குழந்தைகளுடன் சென்னையில் சுமாரான அப்பார்ட்மெண்டில் வாழ்ந்து வருகிறார்.

ஒரு தனியார் கம்பெனியில் வேலை பார்த்து வருகிறார் முனீஸ். அவருடைய மனைவி ஆடம்பரமாக வாழ ஆசைப்படுகிறார். இதனால் பணம் சம்பாதிக்க படாதபாடு படுகிறார் முனீஷ். ஒருநாள் வீட்டை சுத்தம் செய்யும் போது தன்னுடைய தந்தை 50 ஆண்டுகளுக்கு முன்பு எழுதிய ஒரு பத்திரம் கிடைக்கிறது. அதில் தன்னுடைய தந்தை ஒரு சேட்டுக்கு தன்னுடைய கடையை இலவசமாக எழுதிக் கொடுத்திருக்கிறார். அவரிடம் சென்று உதவி கேட்கும் படி சொல்ல அந்த சேட் ஒரு கோடிக்கு செக்கு கொடுக்கிறார்.

அந்த செக்கை பேங்குக்கு கொண்டு போகும் வழியில் தொலைந்து போய்விடுகிறது. அந்த செக்கை இவர்கள் கண்டுபிடித்தார்களா? இவர்களுடைய ஆசை கனவு நிறைவேறியதா? என்பதுதான் இந்த படத்தின் கதை. இந்த படம் தான் இப்போது ஓடிடிக்கு வர இருக்கிறது. அதாவது மிடில் கிளாஸ் படம் வரும் டிசம்பர் 24ஆம் தேதி ஜி 5 ஓடிடி தளத்தில் வெளியாக இருக்கிறது என்று அதிகாரப்பூர்வமாக அறிவித்திருக்கிறது.