OTT Releases This Week: இந்த வாரம் ஓடிடிக்கு வரும் ஹிட் படங்கள் இத்தனையா? அதுவும் இந்த படமும் இருக்கு!

Updated: Wednesday, December 17, 2025, 19:44 [IST]

Subscribe to Oneindia Tamil

சென்னை: திரையரங்குகளில் ஒவ்வொரு வார இறுதியிலும் புது படங்கள் ரிலீஸ் ஆவது போல ஓடிடி தளங்களிலும் அதிகமான படங்கள் மற்றும் வெப்சீரிஸுகள் வந்து கொண்டே இருக்கின்றன. அந்த வரிசையில் இந்த வாரம் டிசம்பர் 15ஆம் தேதி முதல் 19ஆம் தேதி வரைக்கும் என்னவெல்லாம் படங்கள் வெளியாகப் போகிறது என்று பார்க்கலாம்.

உன் பார்வையில்

நடிகை பார்வதி நாயர் நடித்துள்ள உன் பார்வையில் படம் நேரடியாக வெள்ளிக்கிழமை சன் நெக்ஸ்ட் ஓடிடி தளத்தில் வெளியாக இருக்கிறது. இந்த படத்தில் பார்வையற்ற மாற்றுத்திறனாளி பெண் கேரக்டரில் பார்வதி நாயர் நடித்திருக்கிறார். தன்னுடைய கணவர் மற்றும் சகோதரியின் மரணங்களில் இருக்கும் மர்மத்தை இவர் கண்டுபிடிக்கும் துணிச்சலான கேரக்டரில் நடித்திருக்கிறார். திரில்லர் நிறைந்த இந்த படம் ரசிகர்களுக்கு ஃபேவரிட் ஆக மாறும் என்று எதிர்பார்க்கப்படுகிறது.

பிரேமண்டே

நடிகை ஆனந்தி நடித்துள்ள பிரேமண்டே படம் கடந்த மாதம் 21ஆம் தேதி திரையரங்குகளில் வெளியாகி கலவையான விமர்சனங்களை பெற்றது. இந்த திரைப்படம் வருகின்ற வெள்ளிக்கிழமை முதல் தெலுங்கு, மலையாளம், தமிழ் மற்றும் கன்னடம் ஆகிய மொழிகளில் netflix-ல் வெளியாக இருக்கிறது இந்த படத்தில் நவநீத ஸ்ரீராம் இயக்குனராக அறிமுகம் ஆகி இருக்கிறார். இந்த படத்தில் தெலுங்கு ஹீரோ பிரியதர்ஷி புலிக்கொண்டா கதாநாயகனாக நடித்திருக்கிறார்

ஃபார்மா

டி ஆர் அருண் இயக்கத்தில் நிவின் பாலி, ரஜித், கபூர், நரேன், வீனா நந்தகுமார் உள்ளிட்ட பலர் நடிப்பில் வெளியான சீரிஸ் தான் பார்மா. ஒரு மெடிக்கல் விற்பனை பிரதிநிதி தான் விற்க்கும் மருந்து நோயாளிகளுக்கு தீங்கு விளைவிப்பதை கண்டறிந்து கார்ப்பரேட் சக்திகளுக்கு எதிராக போராடும் கதை தான் இது. இந்த சீரிஸ் வரும் வெள்ளிக்கிழமை ஜியோ ஹாட்ஸ்டாரில் தமிழ், மலையாளம், தெலுங்கு, கன்னடம், இந்தி ஆகிய மொழிகளில் வெளியாகிறது.

மிஸஸ் தேஷ்பாண்டே

ஒரு அம்மா மகனுக்கு இடையினால உறவை சொல்லும் மிஸஸ் தேஷ்பாண்டே வருகிற வெள்ளிக்கிழமை முதல் தமிழ் மலையாளம், தெலுங்கு, கன்னடம், ஹிந்தி ஆகிய மொழிகளில் ஜியோ ஹாட்ஸ்டாரில் வெளியாகிறது. அதுமட்டுமல்லாமல் 20க்கும் மேற்பட்ட வெப் சீரிஸ்களும் ஓடிடி தளத்தில் வெளியாக இருக்கிறது.