Parasakthi OTT : ஓடிடிக்கு ரெடியான பராசக்தி படம்! எதில், எப்போது பார்க்கலாம்? லீக்கான தகவல்

Updated: Thursday, January 22, 2026, 17:32 [IST]

Subscribe to Oneindia Tamil

சென்னை: சுதா கொங்கரா இயக்கத்தில் சிவகார்த்திகேயன் நடித்த பராசக்தி படம் பொங்கல் பண்டிகையை முன்னிட்டு திரையரங்குகளில் வெளியாகி இப்போது ஒரு முக்கிய கட்டத்தை எட்டியிருக்கிறது. படம் பார்த்த பலருக்கும் ஒரே கேள்வி தான் - "பராசக்தி ஓடிடியில் எப்போ வருது?" என்பதுதான். இப்போது அதற்கு விடை கிடைத்திருக்கிறது.

உண்மையிலேயே சொல்ல வேண்டும் என்றால், சிவகார்த்திகேயன் கேரியரில் இந்த படம் ரொம்பவே முக்கியமான ஒன்று. அவரின் 25வது படமாக உருவான பராசக்தியில், அவருக்கு ஜோடியாக ஸ்ரீலீலா நடித்திருந்தார். அதர்வா, சிவகார்த்திகேயனின் தம்பியாகவும், ரவி மோகன் வில்லனாகவும் நடித்திருந்தது படத்திற்கு கூடுதல் எதிர்பார்ப்பை உருவாக்கியது.

ஜி.வி.பிரகாஷ் குமார் இசை, இந்தி எதிர்ப்பு போராட்டத்தை மையமாக கொண்ட கதை - எல்லாமே பெரிய ஹைப்பை உருவாக்கியது. ஜனவரி 10ஆம் தேதி திரையரங்குகளில் வெளியான பராசக்தி, ஆரம்ப நாட்களில் நல்ல வசூலை குவித்தது. ஆனால் படம் வெளியான பிறகு, ரசிகர்களிடமும் விமர்சகர்களிடமும் கலவையான கருத்துக்களே வந்தன. "சுதா கொங்கராவின் மேஜிக் இந்த படத்தில் முழுமையாக வேலை செய்யவில்லை" என்று சிலர் சொன்னாலும், படக்குழு 100 கோடி வசூல் செய்ததாக அதிகாரப்பூர்வமாக அறிவித்தது.

பொங்கல் முடிந்ததும், தலைவர் தம்பி தலைமையில் போன்ற புதிய படங்கள் திரைக்கு வந்ததால், பராசக்தியின் வசூல் மெதுவாக சரிய ஆரம்பித்தது. கடந்த வாரம் வரை கோடிகளில் வசூல் வந்த நிலையில், தற்போது லட்சங்களுக்கு இறங்கியுள்ளதாக திரையுலக வட்டாரங்களில் பேசப்படுகிறது. இதனால் இந்த வாரத்தோடு பராசக்தியின் தியேட்டர் ஓட்டம் முடிவுக்கு வரும் என்கிற தகவலும் வலுவாக கேட்கிறது.

அதனால்தான் இப்போது ஓடிடி ரிலீஸ் பற்றிய பேச்சு சூடுபிடித்திருக்கிறது. பொதுவாக தமிழ் படங்கள் 28 நாட்களுக்குள் ஓடிடிக்கு வந்துவிடும். ஆனால் பராசக்தி படத்தை 48 நாட்கள் கழித்தே ஓடிடியில் வெளியிடப் போவதாக படக்குழு முன்பே சொல்லியிருந்தது. அந்த கணக்குப்படி பார்த்தால், பிப்ரவரி மாத இறுதியில் படம் ஓடிடியில் வெளியாக வாய்ப்பு அதிகம்.

இன்னொரு முக்கிய விஷயம் என்னவென்றால், பராசக்தி படத்தின் ஓடிடி உரிமையை ஜீ5 தளம் கைப்பற்றியிருக்கிறது. அதனால் திரையரங்குகளில் பார்க்க முடியாதவர்கள், அல்லது மீண்டும் ஒரு முறை பார்க்க நினைப்பவர்கள், பிப்ரவரி இறுதியில் ஜீ5-ல் பராசக்தியை பார்க்கலாம் என்று எதிர்பார்க்கப்படுகிறது.

மொத்தத்தில், திரையரங்குகளில் கலவையான வரவேற்பை பெற்ற பராசக்தி, ஓடிடியில் ரசிகர்களிடம் இரண்டாவது இன்னிங்ஸை தொடங்க தயாராகி வருகிறது. ஓடிடி ரிலீஸுக்குப் பிறகு, இந்த படம் பற்றி ரசிகர்களின் கருத்து எப்படி மாறப்போகிறது என்பதே இப்போது அனைவரையும் ஆவலுடன் காத்திருக்க வைக்கிறது.