Sirai Movie OTT: ஓடிடிக்கு வரும் விக்ரம் பிரபுவின் ‘சிறை’.. எதில், எப்போது பார்க்கலாம்? வெளியான தகவல்

சென்னை: தமிழ் சினிமாவில் போலீஸ் துறை சார்ந்த கதைகளில் தனித்துவமான இடத்தை பிடிக்க முயற்சித்துள்ள திரைப்படமாக விக்ரம் பிரபு நடித்துள்ள 'சிறை' படம் பேசப்பட்டு வருகிறது. கடந்த டிசம்பர் 25, 2025 அன்று கிறிஸ்துமஸ் பண்டிகையை முன்னிட்டு திரையரங்குகளில் வெளியான இந்த படம், தற்போது OTT வெளியீட்டை எதிர்நோக்கி ரசிகர்களிடையே ஆர்வத்தை ஏற்படுத்தியுள்ளது.

'சிறை' திரைப்படம், காவல்துறையின் எஸ்கார்ட் பிரிவு சார்ந்த ஒரு சஸ்பென்ஸ் திரில்லர் கதையாக உருவாகியுள்ளது. விக்ரம் பிரபு இதில் காவலர் கதிரவன் என்ற கதாபாத்திரத்தில் நடித்துள்ளார். ஒரு குற்றவாளியை நீதிமன்றத்திற்கு அழைத்துச் செல்லும் பொறுப்பு அவருக்கு கொடுக்கப்படுகிறது. அவர் கோர்ட்டுக்கு போகும் வழியில் அந்த குற்றவாளி தப்பி ஓடுகிறார்.

அதன் பின்னர் நடக்கும் சம்பவங்களே படத்தின் மையக் கதையாக இருக்கிறது. உண்மை சம்பவங்களை அடிப்படையாக கொண்டு எழுதப்பட்ட இந்த கதைக்கு, டாணாக்காரன் படத்தை இயக்கிய தமிழ் கதை எழுதியுள்ளார். திரைக்கதையை தமிழ் மற்றும் இயக்குநர் சுரேஷ் ராஜகுமாரி இணைந்து அமைத்துள்ளனர்.

நடிகர்கள்

விக்ரம் பிரபுவுடன், எல்கே அக்ஷய்குமார் அப்துல் ரவூஃப் என்ற முக்கிய கேரக்டரில் அறிமுகமாகியுள்ளார். அனிஷ்மா அனில்குமார் கலையரசி என்ற கேரக்டர் மூலம் தமிழ் சினிமாவில் முதல் முறையாக நடித்துள்ளார். ஆனந்தா தம்பிராஜா மரியம் என்ற கேரக்டரில் நடித்திருக்கிறார்..
இயக்குநர் சுரேஷ் ராஜகுமாரிக்கு இது அறிமுக படம். எஸ்எஸ் லலித் குமார் தயாரிப்பில் உருவான இந்த படத்திற்கு, மாதேஷ் மாணிக்கம் ஒளிப்பதிவு செய்துள்ளார். ஜஸ்டின் பிரபாகரன் இசையமைத்துள்ள இசை கதையின் தீவிரத்துடன் பயணிக்கிறது. படத்தொகுப்பை பிலோமின் ராஜ் செய்துள்ளார்.

ரசிகர்கள் கருத்து

திரையரங்குகளில் வெளியானதை தொடர்ந்து, 'சிறை' படம் ரசிகர்களிடையே நல்ல வரவேற்பை பெற்று வருகிறது. விக்ரம் பிரபுவின் இயல்பான போலீஸ் நடிப்பு, யதார்த்தமான திரைக்கதை மற்றும் தேவையற்ற மசாலா இல்லாத அணுகுமுறை பலராலும் பாராட்டப்பட்டு வருகிறது.

வசூல் ரீதியாக இது மெகா ஹிட் படமாக இல்லாவிட்டாலும், ஸ்டெடி கலெக்ஷன் பெற்று வருவதாக கூறப்படுகிறது. குறிப்பாக நகர்ப்புற ரசிகர்கள் மற்றும் போலீஸ் கதைகளை விரும்பும் பார்வையாளர்கள் மத்தியில் படம் நல்ல ஆதரவை பெற்றுள்ளது.

சிறை OTT வெளியீடு

'சிறை' படத்தின் OTT உரிமையை Zee5 தளம் கைப்பற்றியுள்ளது. திரையரங்கு ஓட்டம் முடிந்த பிறகு, படம் Zee5-ல் ஸ்ட்ரீமிங் செய்யப்படும் என அறிவிக்கப்பட்டுள்ளது. அதிகாரப்பூர்வ வெளியீட்டு தேதி இன்னும் அறிவிக்கப்படவில்லை என்றாலும், ஜனவரி 26 - குடியரசு தினத்தை முன்னிட்டு படம் OTT-யில் வெளியாகலாம் என்ற தகவல் சினிமா வட்டாரங்களில் பேசப்படுகிறது.

இதற்கிடையில், படத்தின் சாட்டிலைட் உரிமைகளை Zee Tamil மற்றும் Zee Thirai சேனல்கள் பெற்றுள்ளன என்பது குறிப்பிடத்தக்கது. திரையரங்குகளில் பார்க்க தவறியவர்களுக்கும், மீண்டும் ஒருமுறை இந்த போலீஸ் திரில்லரை அனுபவிக்க விரும்புவோருக்கும், 'சிறை' படத்தின் OTT வெளியீடு நல்ல வாய்ப்பாக அமையும் என எதிர்பார்க்கப்படுகிறது.

English summary

Sirai Movie OTT: Sirai, starring Vikram Prabhu, has emerged as a noteworthy police-based suspense thriller in Tamil cinema. Released in theatres on December 25, 2025, during the Christmas holiday season, the film has drawn attention for its realistic portrayal of the police escort division and its grounded storytelling. Vikram Prabhu plays constable Kathiravan, who is assigned to escort a criminal to court, only for the accused to escape during transit, triggering a tense chain of events. Inspired by real-life incidents, the story is penned by Thamizh, known for Dhanakkaran, with screenplay jointly crafted by Thamizh and debut director Suresh Rajakumari. The film also introduces Akshay Kumar Abdul Ravoof in a key role, along with debutant Anishma Anilkumar and Ananda Thambiraja. Produced by SS Lalit Kumar, Sirai features cinematography by Madhesh Manickam, music by Justin Prabhakaran, and editing by Philomin Raj. While not a massive box-office hit, the film has enjoyed steady collections and positive word-of-mouth, particularly among urban audiences and fans of realistic police dramas. The OTT rights have been acquired by Zee5, with the digital release expected after the theatrical run, possibly around Republic Day on January 26. Satellite rights have been secured by Zee Tamil and Zee Thirai, making Sirai’s OTT debut a promising opportunity for viewers who missed it in theatres.